عجمان والعجمان في ذمتي غير = واقرب دليل اليا نجح منتداكم ..!! ((جديد))

[جطلي بن فهد]

الله الله الله الله

جزل جزل

صح لسانك ملايين ولاهنت لاهنت

والمنتدى منتداك لبى عينك

[احمد بن جوفآن]

ابـو فـلاح

,,

عزالله إلـي انت غيـر ما شاء اللــه عليــك ,,


صــح لسانك مليــون ,, ولا هنــت على هالجـزلـه ,,

عزالله تعطي القصيـده حقـها ما شاء الله عليــك

بـ/ إنتـظـار جديـدك دايمــاَ ,, وجعـل ربي يوفقـك وانت تستاهل

[خالد بن رمثان]

السلام عليكم ورحمة الله وبركاته



أرحب أرحب يا مبارك



وصح الله لسانك عزالله إنها وافيه يالسنافي , حبكتها صح



ولاهنت , وتقبل مروري

[ناصـر محمد المجروب]

.
..
..
..
..
==

الله الله يابوفلاح

عز الله انها وافيه وجزله مافيها كلام

صح لسـانك يالجزل ودايم معودنا على الجزاله

دمت ودام لنـا إبداعـكـ

تقديري ..!

==
..
..
..
..
.

[محمد بن دسمه]

أبوفلاح ..

يعلم الله اني احبك في الله ..

ويعلم الله اني اذني تطرب لك ..

فـ / أنت جزل لدرجه لااستطيع استيعابها ..

وافي يابوفلاح ..

صح الله لسانك ولاهنت نفداك

ولايصيبك شك مني في غلاك ..

[FDeeTK]

الله الله

؛؛؛

الله لا يهينك على القصيده الجزله

؛؛؛

وتقبل مرووري

[الاوكسجين]

المشاركة الأصلية كتبت بواسطة مبارك بن مجروب

صبـآآح // مـساء الخير

وعيدكم مبارك

قصيده كان من المفترض ان تكون لها مناسبه خاصه
ولكن حالت الظروف دون اقامتها ..!!

خرجت عفويه فتقبلوها كما هي ...

الليله الليه ابي اعكس السير=على غرار المعرفه من وراكم
يا الي دعيتونا على العز بنسير=جينا مساييرن نلبي دعاكم
ماجيت ادور للخطايا معاذير!!=ماحد خفاق المعنّى سواكم
أشاور الخفاق والخافق يشير=ويقول قربّني اليكم ,, غلاكم
((يامحمد الدسمه)) عسى حالك بخير=يوم ان بعض الناس فيك يتاهكم
قفّل أذانـيـّك مع قولة الغير=وافي وجاني يارفيقي نداكم
قلنا نلبي والنشاما مسايير=جاكم هجوس الي هجوسه معاكم
شاعر واهل من القصايد مباكير=وابياتي اتطرب مسامع حداكم
ما اقول انا عنتر ,, ولا سالم الزير=ولا امير القوم او كنت حاكم
لكن اقود من النشاما طوابير=واسل سيف الحق في منتداكم
والليله الي فوحت بالنواوير=مدري الشذى منها او انه شذاكم
جمعه ,, وطيبة نفس ,, واحساسكم بير=يافرحة كبود اتمنّى تراكم
صايم الى ذا الحين !! وان شفتكم غير=يفطّر الصايم تزايد حلاكم
قالوا بلاش من الغزل والغنادير!!=نبي اتجمل لابتك في عشاكم
قلت اتغزل بالعذارى لو يصير؟=واقفل الموضوع ,, تكرم لحاكم
على طواري لابتي يامناعير=فخر سلايل يام ادري دواكم
حنّا جموعن ماحسبنا مخاسير=على حدود الموت شفنا انتراكم
قومن ليا ثارت نسوق التباشير=طشوا عمايم راسكم وش بلاكم؟!
لاشاش راسي ثبتوني اباطير=لاعاش راسن بالشدايد جفاكم
ربعي وربي فالملاقى مشاهير=ياسعد منهو زابنن في ذراكم
عجمان والعجمان ,, في ذمتي غير=واقرب دليل اليا نجح منتداكم
جينا ولبينا وحنا مسايير=ماجمّع الشعار الا غلاكم

وسلامتكم ..!!

صح السانك يا مبارك لكن انا عندي كذا سؤال ممكن ترد عليهم او احد الاخوان اللي يعتبر قصيدتك جزله واظنك ما عرضتها الا انها جاهزه للنقد وعلى كل محد معصوم من الخطا الا الرسول عليه السلام

1- على غرار المعرفه من وراكم . وش تقصد فيه حاولت اربط الشطر هذا مع اللي قبله ما قدرت .
2- لو قلت نداكم بدل دعاكم ما تصير احسن لان كلمة دعاكم لا تصلح هنا في هذا البيت .
3- اشاور الخفاق والخافق يشير.. الخ البيت تكرار يغث اللي ما ينغث اشاور ويشير الخفاق والخافق وش الفرق ؟طيب وش تشاورون فيه ,اليكم اعتقد ما لامها داعي ان قلت مجبور قلت لك المجبور فالشده ما هو فالرخا وانت في رخا اعتقد البيت ماله داعي.
4- شقحت بسرعه متجاوزا بعض التفاصيل الضروريه وهربت بسرعه يا محمد الدسمه مخاطب صديقك
5- قفل اذ******** (مع قولة الغير) فسر ما بين القوسين ادري تقصد مثل ما يقولون الغير لكن هل تقال مع قولة الغير ؟.
6-قلنا لنا والنشاما مسايير ,شلون تجي او تلبي دعوة ناس اصلا ماهم موجودين لانهم مساييرلاحظ كم مره جبت كلمة مسايير السير بنسير .جاكم تقصد جتكم هجوس فالاصل ان تقول جتكم او جاتكم ما تقول جاكم.
7-شاعر واهل ... الخ اتطرب يعني غصب تطرب مدري احس انك مجبور فالقصيده وكل بيت والله يعينك ما الله حادك.
8-ما قول انا عنتر .. الخ مكسور
9-فوحت .. اول مره اسمع واقرا الكلمه هذي !!!!!!!!!!!!. لان فوحت على وزن فعلت يعني امر.
10-ممكن تفسر لي الاحساس في بير ؟قصدك احساسكم غير او خير لو مستخدم خير ابرك لك,تراكم يا عيني يا الفصحى.لا تعليق
11- يفطر الصايم تزايد حلاكم من وين جبت تزايد وش معنى يفطر الصايم تزايد حلاكم .الله يعينك
12- اللابه مجمله قبل وبعد قصيدتك محسوبه عليك هذي وبعدين هم قالوا وانت تقول وهم يقولون وانت تقول والبيضه قبل ولا الدجاجه قبل الخ
13 فخر سلايل؟؟؟؟؟؟؟
14-بتجاوز عن ما جاء بعد بيت فخر سلايل بعد رديت وتقول مسايير

* اخي انا اصدق معك هذه الكلمات بصوب والجزاله بصوب لكن احترم محاولة الافتخار بقبيلتك واندماج احساسك مع ما تحس به من قبيلتك
شاكر لك على سعة صدرك واتمنى من الاخوان عدم المبالغه في الاطراء القبيح والمضر بالنفسيّه

[عــقــيــد]

( مبارك )

شاعر هندسة قوافي

منها للأعلى يابو فلاح في تطور مستمر ومدهش

تقبل مرور أخيكـ

[محمد بن شبنان]

صح الله لسانك يالسنافي ولاهنت

[فلاح بن ملبز]

ارحب يا مبارك

وصح لسانك

ولاهنت