!! .. واحـــــــات صمـــــت اليتـــــامــا .. !!

[صمــت اليتــاما]

,

أنا أشهد إن أكبر صنوف المخاسير=إليا اكتشفت إن أقرب الناس نايـد

،

[صمــت اليتــاما]

,,

يامسوي للبكا قيمـه وللصبـر انتكاسـه=كنّ مالدموع خلق الله مَع دمعْتـك قيمـه
ليه تبكي وانت خابر قدرك وعارف قياسه=في حياةٍ لو تخلّت عنك ما عدّت سليمـه
الوفا عهدي معك والا الجفا مهدوم ساسه=والحياة ارزاق وانته فرصة القلب اليتيمه
لو تضيع يضيع عالم باكمله وتموت ناسه=وانطوي في ذكرياتك طي الاوراق القديمه

,,

[صمــت اليتــاما]

,,

كتبتك في غلاف الذاكـره ميعـاد مايِجفـا=اشوفك كلما افتح نافذة حسـي ووجدانـي
احبك والمسافه نـار عيـت بيننـا تطفـى=دخيلك لو طوتني دنيتـي ليّـاك تنسانـي
مادام جروحنا عيت بطول سكاتنـا تشفـى=تعال اكتب بكف البوح كلمة (موت حرماني)
وعوّد للسكـوت اليابغيـت وخلنـي بغفـا=على أخر كلمتين تقولها لو توقف ازمانـي

,,

[صمــت اليتــاما]

,,

يا لايمي من بعض لومـك خلّنـي=انا على اللي مارجيـت الا رجـاه
ملّيت من عـدّ الجـروح وملّنـي=وقتي ولكن ما رحمني من غثـاه
لي موعدٍ كنت احتريـه وزلّنـي=ابطيـت قدامـه وخلانـي وراه
ليته تجمّـل يـوم حـلّ وحلّنـي=ما كنت ابنشد معه عن حلم الحياه
مالله كتب لي يـوم مـرّ يشلّنـي=وانا قبل يلفي عليّ احسب خطـاه
روّح ولا أشر لي (هناااااك) ودلّني=ولا سمع ونه تبيـن لـه غـلاه
احتلّنـي غايـب وجـا واحتلّنـي=واقفى وهو محتلني ويش السواه

,,

[صمــت اليتــاما]

,,

ركني الهادي لاجيت انساه ذكرني بـه=حبّ من لا يترك من الصّدر ركنٍ هادي

,,

[موادعك خيره..!]

الوفا عهدي معك والا الجفا مهدوم ساسه
والحياة ارزاق وانته فرصة القلب اليتيمه



الله الله

واصلي فانتي مبدعه فختياراتك

[صمــت اليتــاما]

,,

بري حالي كل ماشفت لي جيب قطري=قام يطري لي وليفن سكن دولة قطـر
صاحبن من بد كل البشر جاب خبري=لين خلى حالتي يامحمد فـي خطـر

,,

[صمــت اليتــاما]

,,

الصمت في بعض المواقف غنيمـه=أحيان تلقى حاجتك داخل الصمت !!
والكلمه اللي فـي صداهـا أليمـه=العذر منهـا يجرحـك .. لاتألمـت
لاجتك من غالـي وعشـره قديمـه=يموووت ظنك بالرجاء .. ماتكلمت !

,,

[صمــت اليتــاما]

..

والله إن فرقاك مقسوم والمقسـوم مـاش = ناتجه حـزن وتوجـاد وأفـراق وحنيـن

..

[صمــت اليتــاما]

,,

من عرفتك وأنت تايه من مواني لي مواني=وتـارك ٍ قلبـي مولّـع مـن وقـيـده فــي وقـيـده
ضـاعـت سنيـنـي أحــد بهاليـالـي وتحـدانـي=وأنـت ماتشبـع غيـاب ولاتخـاف مـن النقيـده
ودي أتحمـد لـك الله بالسـلامـه , مامـدانـي=كل ماتوصـل برحلـه ترجـع برحلـه جديـده

,,