عديمٍ اليا من حل طاريه قالوا طير// تعلّم عليهن (فرخ) من يومها اضرى

[طفله تمادت بالغرام]

السلام عليكم ورحمة الله وبركاته



معاهـن ثلاثتهـن أبـا أطـرش التعبيـر
أبي لا نِستْ وحده تصلّـح لهـا الأخـرى


أبي قولة ان فلان لو صار وضعـه غيـر
بقت لك رسومٍ فيه مـن ليلـة المسـرى


تحت عينه اليمنـى بـدا للسهـر تأثيـر
وتمكن سواده من تحت عينـه اليسـرى


عسى لا وصله العلـم يستأنـف التفكيـر
أبي ينشغل فكره من الحيـن لـي بكـرى


تمنيت وصله بالفكـر مـا طلبـت كثيـر
أبا اطري على باله مثل ما علـي يطـرى


ألا يا عيون اللي تنهـض وتـل السيـر
لمحهابعينـه يـوم زالـت مـع المجـرى


عديمٍ اليا من حـل طاريـه قالـوا طيـر
تعلّم عليهن (فرخ) مـن يومهـا اضـرى


عقب ما وصل طلعه تحدّر دلو فـي بيـر
عليه الله اكبر لا ضـرب مخلبـه يغـرى


ضربها وغرّت منّه مـا بالسوالـف خيـر
وترقّا باثرهـا مونـسٍ ضيعتـه واحـرى

لا هنـــــت يــآ ســـآلــــم عــلآ النقــــــل وصــــــح اللســـــــآن شآعرهــــــــآ ..

وتقبل مروري