قصيدة اليامي الذي استنجد بمشايخ شمر

[طـيـر شـلـوى]

السلام عليكم ورحمة الله وبركاته


في الحقيقة آني سمعت هذه القصيدة وهي تدور حول رجل من قبيلة بني يام محكوم عليه بالإعدام ونقل من سجون منطقة نجران إلى سجون حائل لتنفيذ حكم القصاص به واستنجد بمشايخ شمر بهذه القصيدة وكان ذلك قبل نحو ما يزيد عن عشرين عاماً إليكم القصيدة : -


اشكي على شمر عيال السناعيس
.......................................زبن الغريب اللي بلته الليالي

روس الرجال اللي تعرف النواميس
.........................................لطامة العايل بروس السلالي

انخى شيوخٍ ذكرها له تداريس
......................................باول تواريخ العرب له مجالي

تاريخهم يكتب ببيض القراطيس
................................ويكتب على روس الجبال العوالي

وانخى الشيوخ اللي يفحمون المحاميس
...........................................ومزودين ٍ هيلهم بالدلالي

انخى عبدالله اللي له المدح تأسيس
......................................ابن رشيد اللي عزيزٍ وغالي

وانخى ابن جبرين ودرزي بتحميس
.................................. نخوة حمس تهتز منها الجبالي

وانخى بيعجان العلي ممن العيس
................................... وممن الخلفات باقصى المفالي

وانخاك ياشبل الاسود النواعيس
......................................انخاك انت ياطلال الرمالي

نخيتكم وانا غريب المحابيس
...............................من سجن نجرانٍ لسجن الشمالي

اقسم لكم باللي يهب النسانيس
.....................................لو واحدٍ منكم محلي بدالي

ويزورني منه خطوط ورواسيس
.................................. لاعجبه واسوق حالي ومالي

واطلع به اللي ماتجيه القرانيس
..................................واحط منزاله على راس عالي

اقولها وانا يامي رمته المقابيس
................................شيخٍ ولد شيخٍ عمامي خوالي

قصيرنا يامن بليا حواريس
....................................وخوينا يشرب قراحٍ زلالي

[تايه الغربه]

عاد وش سوو هل الطنايا بعد ذا القصــــــــــــــــيده ؟؟



يعطيك مليووووووووووووون عافيه

يا طيــــــــــــــر شــــــــــــــــــــلوى

[اديب]

الاخ طير شلوى

صح السانك ولسان من قالها

وهو الشاعر السجين سابقا محمد ن جهير ال فطيح الوعيلي اليامي
نعم كان محكوم بالإعدام وبعد قصيدته تدخلوا شيوخ شمر عند الامير
عبدالله وشمله العفو.....والبيضاء مرفوعه لقبيلة شمر من جميع قبائل يام


هذا ولك فائق شكري وتقديري

[تايه الغربه]

عاااااااااااد ابن جهيـــــــــــــــر اعرفه

بس ما كنت اتوقع ان القصيده له

عموما يعطيك العافيه يا اديب على التوضيح


وكفوووووووووو والله يا هل الطنايا قدها وقدود

[العماني]

لاهنت يا طير شلوى على القصة والقصيدة.

ويستاهلون شمر البيضا.

تقبل تحياتي،،،

[راكان اليامي]

كفو والله بشمر
ويستاهلون البيضا
لاهنت ياطير شلوى

[كويتيه]

يعطيك الف عافيه على هالقصه والقصيده اللي تشرف شمر ..و ترفع روسهم صراحه..


يعطيك العافيه

[يتــــــرنم]

أنشهد انه نخى في قصيده عرب مطاليق وجيه وفعل
لاهنت يا طير شلوى




أخيك / يتـــــــــــــرنم