غلطاتى00000

[السنـــــافية]

أكيد غلطاتى بعمرى كثيره=ياكثر ماسويت بالعمر غلطات
لاشك تبقى غلطتى هالأخيره=غلطت عمر مامثلها بكل مافات
غلطت عمر فى حق نفسى كبيره=دفع قيمتها ولاعشر مرات
غلطت عمر منها جروحى خطيره=حسرات لاراحن ولاجن حسرات
غلطه وجرت من وراها جريره=عذاب عذبنى من الذات للذات
حيره وكم صادفت حيره وحيره=لاشك هالحيره ثمنها محاتات
أدفع ثمنها بالدموع الغزيره=لوعه وونة قلب وهموم واهات
لانام خالى البال عينى سهيره=أسهر وطوح تالى الليل ونات
بينى وبين النفس ماجبت سيره=مابيه يفرح بى عدو وشمات
أصبر ولو طالت على المسيره=وأقدر ومن يقدر على صبر وسكات
والقلب منى كل طارى يثيره=يكفخ وتردعه الضلوع المحنات
الرجل لوبيده يحدد مصيره=يمكن يعيش العمر من دون هفوات
يالله ياللى عالم بالسريره=ياعلم بالبينه والخفيات
ياله تجعل تالى الأمر خيره=حسناك ياسماك سبع السموات

وسلااامتكم
طلال السعيد

[المناجي]

السنافيه ..

الله ..الله ..عليك على هالقصيده الجميله بحق ...لاهنتي .


تحياتي ..

[بنت الجزيرة]

لاهنتي يالسنافيه

ومشكورة على حسن الاختيار

وتقبلي تحياتي
بنت الجزيرة

[السنـــــافية]

ومن قال

المناجى كل الشكر على مرورك عالقصيده

[السنـــــافية]

العفو بنت الجزيره,,,,

وتسلمين على الرد

[كـحـيـلان]

قصيده حلوه وأختيار رائع
ولا هنتي على كل حال ونطمع بالمزيد يالسنافيه








@ كحيلان اليامي @

[كـحـيـلان]

نسيت اقول شي مهم
السنافي لا عثر يقوم
ويتعدى عثرته وانتي انشالله سنافيه بنت سنافي

[السنـــــافية]

كحيلان

مشكور على الرد وابشر بالمزيد انشاءالله

[تايه الغربه]

يالله تجعل تالي الأمر خيره ** حسناك ياسماك سبع السموات

صح السانش يا السنافيه

وتسلميــــــــــــــــــــــن والله

صراحه قصيده في قمة الروعـــــــــــــــــــــــه

[السنـــــافية]

كحيلان

ماعليك زود