إذا إختار الإنطوائيّـه عـن النـاس إمعـذور@خسر أعز إثنين في خفّاقـه وضـاق إنسمـه

[ابن الصحراء]

من يامن الغبّات والنكبات يـا مـوج البحـور=وأنتي نعرفك من متى ,, غير الغدر مالك سِمه
ندور فوق الأرض يوم الأرض فالعالـم تـدور=وأقدارنـا مربوطـةٍ فأيامـنـا وإمحكّـمـه
وأنا مجرّد شاعر إن ملّ الشعر ,, ملّ الحضور=إن غاب يرجع في يدينه نزف جـرح يقدّمـه
يضيق ويضيق إقلمْه وينزف من شعوره شعور=ويبقى مثل ماهو على وضعه ويرتـاح إقلمْـه
يشيل في صدره كلماته مثـل باقـي الصـدور=لكنّ كم كلمه حيا وجهـه دفنهـا فـي فمْـه
ما يملك ألا قلب يومه جاه نبـض وجـاه دور=علّمته أيامه عن الـدورات مـا لـم يعلمـه
دايم يفكّر يترك الدنيـا ليـا غـاب السـرور=لكن ملازيم الرجال إن عـاف ناسـه تلزمـه
بينه وبين أول كدر زاره كِبر نفـس وغـرور=وبينه وبين آخر فـرح زاره عتـاب بتمتمـه
كان يتمنّى يوم بار الوقت بإحساسه ,, يبـور=لكـنّ عيّـا يفهـم البـوره وعيّـت تفهمـه
ما ينعرف معنى شعوره لا إنكتب بين السطور=أغلب حكاياته مثـل قصـة حياتـه مُبهمـه
إذا إختار الإنطوائيّـه عـن النـاس إمعـذور=خسر أعز إثنين في خفّاقـه وضـاق إنسمـه
خلّ ورفيق وكلهم راحوا عـن أيامـه دبـور=الأول الله يسـعـده والثـانـي الله يرحـمـه
الشاعر بدر العتيبي