محمد بن الذيب سبب اختفاء ضيدان وسلطان الهاجري

[عــقــاب]

صراحة مبطي من الحقيقة المضحكة .. هع
اللي قالها سبع البحور و غيام مشكوريييييييييين

بن قضعان و ابن وسام .. لا لظهورهم علاقة بقصيد ابن الذيب ابداً ..
ابن الذيب شاعر و هم شعراء ..

ابن الذيب تستحي لاتلقي اكثر قصايده قدام كبار السن بخلاف ابن قضعان و ابن وسام ..

اسم الموضوع (سبب إختفاء) و مضمونه مقارنه فاشلة مع الأسف ..

جزيل الشُكر والإحترام لصاحب الموضوع اولاً و جميع المشاركين ثانياً
^
^

طبعاً كلامي لا يمسّ شخوص إنما يمس مُخرجات أدبية فقط لا غير

و كم عمريكم

[حاكم نجد]

^
^


يعني قصايد ضيدان عرش بلقيس والهندي ونوره تنقال عند شيبان

على الاقل قصايد محمد بن الذيب ما تنزل لمستوى قصايد ضيدان هذي

ومحمد شخصيته ومقامه باين من قصائده

اسمح لي اخوي عقاب انت عنصري

[عــقــاب]

عنصري لمن ..!! انا اقصد شعرهم مهوب شخصياتهم ..
ولوني عنصري كان بتعصّب لابن الذيب ..


ابن قضعان انا قلت : (اكثر) ما قلت كل القصايد .. و هذا بالنسبة لهم كلهم .. (اكثر قصيد بن الذيب يفشل و اكثر قصيد ضيدان ما يفشل) << لاحظت كيف ما عممت على كل قصايدهم ..



و ابن الذيب .. له قصايد تفشل (لو انها من العجمان ماهي من آل سعود=هرمون حمدان) .. هذي تقدر تلقيها قدام شيبان ..!!



وبشكل عام ابن قضعان اذرب من ابن الذيب ..

واذا تزعل احد هالكلمة يعتبرها وجهة نظر خاصة قابله للخطا و الصواب
سلااام ,,

[العز بالسيف]

^
^
^
^

حجت يمناك ياعقاب
الصراحه الحقيقه أصبحت تزعل في هالوقت
لامجال للمقارنه بين قصائد ابن قضعان وابن الذيب ويش جاب لجاب
وإذا كان من بين قصائد ابن قضعان قصيده واحده (لاداعي لذكرها)
سيئه بالمره , فلايمكن تعميم ذلك على كل قصائد الأسطوره ابن قضعان
وسيظل اسطورة رضي من رضي وأبى من أبى

[حاكم نجد]

الوكاد ان قصايد محمد سواء بنت ال سعود ولا هرمون حمدان

ماهي مثل ( لجاها هندي اسود ) ولا ( فديتش يقوله ولد مدري من )

ولا ( شيخة العجمان ) هذي هي اللي يستحي الخبل يقولها وشلون الصاحي

وهذي ماهي بوحده ولا ثنتين إلى قبل


واذا ضيدان عنده قصائد جزله ما يصير نخفي جزل ابن ذيب

شاعر جزل و مطنوخ و ذرب


وقصايد محمد اللي البعض يرى ان فيها خطاء وليس تدني في الاخلاق كغيره

محمد يطرقها على مسامع الكل على منصة القصيد

هل ضيدان يستطيع القاء قصائده هذي علناً ؟

هذا الفرق

[العز بالسيف]

^
^
^
^
شكلك معجبتك قصيدة ابن خر الذيب اللي يقول فيها
(أطقّـــــع الشعــّـــار في كل حاره)
وياليت الأمر انتهى عند هذا الحد , بل أن ابن خر الذيب أخذته العزه بالإثم ووصف جميع الشعراء بالطحالب
سؤال يطرح نفسه..!!
من أنت ياابن خر الذيب حتى تتحدى كبار شعراء الخليج من المحيط إلى المحيط؟

خذ هذا رد سريع من أحد الشعراء والذين وصفهم ابن خر الذيب بالطحالب
ردا على قصيدته (أطقّـــع الشعار في كل حاره)..!!!

سلام حام وسام وسْلام وسلوم=موصول للدوله اماره اماره
على العواصم كل حاكم ومحكوم=وعلى الصدور الواسعه والصداره
ما دام ولد آوى عوى عطّل الصوم=سمّو على ملح اللحا والطهاره
حدر اول السطر ارسم السهم مسموم=وعكس السهام ارسم صدور ومراره
زخرف اقواس البسمله باسم قيوم=تحيه..اما بعد ..نقطه..اشاره
سلام واللي غرّه ابليس مسلوم=سلسلت له حربٍ على قد ناره
دف..دف..ددم..دمّامها دق ياقروم=طبل المسامع دق عظمه بطاره
لا صار فتل اشناب ومطاحن خشوم=تعطس ورا الحدبه دبار السعاره
تبري بحبر وقمقم الحبر مختوم=والجن الازرق مرتكي بالمغاره
يضرب غطاها لا اصبح الجو ملغوم=ويضغط على جسمه بخار الحراره
واقرا عليه الراجفه وسورة الروم=تحصين لا ترجف زوايا جداره
اسكّنه واسد عن كل زيزوم=من جن نجد لجن مسقط لواره
بالجن ما احتجت لسكرتير مخزوم=يكتب لي وتبري ثقيلٍ عِياره
جن الجليد اللي ورا القطب مزكوم=اذا يبون اكتبلهم في غزاره
ياراكبٍ جهمٍ من الجن محكوم=طيارة الميق اقصرت عن مطاره
تركبه او يركبك مع قومته قوم=لا تجنح لعرش اليمن والحضاره
عرّج على ابن الذيب وارجدله علوم=نبغى مدارات الخشوم اتّشاره
قلّه محيط الشعر حيتانه تحوم=من نجد جيعانه لسابع اماره
تبلعك يالمرحوم وتجذفك مهضوم=ويونس نبي فك ربه حصاره
من راية الضلّيل امرؤ الى اليوم=جِل شِل حِل اسأل هل غسل فم باره
جِل طِف شِف احذِف ضِف صِف اعز سر رز روم=لو مركز الهز بـ فمي دق زاره
فرجاري افحج واطلس الشعر ملموم=واقص نصف الخارطه باستداره
لو معك جن الشرق ترطن له الروم=والترجمه في واد عبقر مثاره
والشايب اللي بسبع جمرات مرجوم=يردح بـ بطنك مثل ردح العْماره
تبقى رقم في سبحة الشعر ملظوم=دون الآحاد وفوق خط الصْفاره
جبت الفقار بنكهة الكرش مطعوم=واثّر على المعلاق كيس المراره
واذا كبر عن عض الاصباع مفطوم=يحك جلد الخشم يقشط اعذاره
يوم اتنحنح مدفعٍ بالع هموم=وسّعت صدرٍ ما تسعه الصداره
يلوذ قلب وكبد في ضلع مقصوم=وتصير ثلثين المراجل جساره
تزبن على الله تنفض اثيابها حزوم=وخشوم ينفض شَعَر غاره غباره
شبك الحمام بظهرها وكوّر الحوم=لا ضمّها الشاهين يثقل طْياره
طِر ضِم شبكٍ كوّر وكفت يسوم=نساه نسوٍ فك اذى رعش طاره
واذا سأل عنّي قعيدٍ من النوم=بصبي عينه لقف كبر وقضاره
منه البليّ اللي من التسع منجوم=حوّل على البيدا مضيّع مداره
قولو ابد يوم السما زحمة غيوم=تصادمت شحنات ربح وخساره
يقدح بكهرب برقها بجو محموم=صوتٍ يسبّح ويتهدم جساره
والله ياابن الذيب ما نهجنا توم=متخالفين من السماء للحجاره

الأدهى والأمر أن هناك من يصف (ابن خر الذيب) بــ (شاعر يام)..!!
شاعر يام معروف ولاينكر ذلك إلا متكابر
شاعر يام بالخط العريض هو الشاعر (علي بن بلال) بلامنازع


اللهم لاشماتــــــــــــــــــــــــــــــه

[الناااااازح]

يالحبيب ترى رايك لنفسك ولوتحتفظ فيه احسن لك واستر لك سويت نفسك لجنه شعريه وانت مدري عنك

[العز بالسيف]

^
^
^
^

ولما أحتفظ فيه لنفسي..!!
الحقيقه ماتزعـــل ياالغـــــالي
والساكت عن الحق كالشيطان , نعوذ بالله منه

[حاكم نجد]

يا العز بالسيف

وش فيها قصيدته اطقع الشعار في كل حاره

هذا تحدي شعري ولا فيه شي

اما قولتك منهو ابن خر الذيب عشان يتحدى كبار الشعراء

اقولك اذا تقصد من ناحيه شعريه فهو شاعر فطحل وقدها ولو مو قدها

ما صار اللحين يعد من كبار الشعراء على الساحه الشعريه رغم انف الحساد والحاقدين

وتعلم ان ابن الذيب لم تظهره دراهم ولا وساطات في الساحه الشعريه

وبالعكس في بداياته هوجم من الحاقدين بكثره لكن استطاع ان ينتصر عليهم

وكسب جماهيريه عظيمه لا تظاهى من شتى انحاء الوطن العربي في مده قصيره

وفي سن لا يتجاوز الثلاثين هذا كله من فضل الله عليه

واذا تقصد من ناحيه مكانته فهو طيب راس ومن حمولتن طيبه ولاعليهم قصور

ومن لابة يشهد الجميع بطيب فعلها وذكرها !!


ويكفيك انه لم يستخدم قصيده في ذم او تفريق او خلاف في ربعه ولا يام كلها

بالعكس تلقاه دايم ينتخي بهم ويفتخر بهم على روس الاشهاد

بخلاف اليامي اللي رد عليه في قصيدته اللي انت ذكرتها و غيره من الشعراء

اللي يستخدمون شاعريتهم في شذب عراقيب ربعهم وهذا راجع لمقام الشاعر

نفسه لانه كله مجرد كلام يفسر مقام صاحبه

ولا الرياجيل ذريبن الايمان ماهمهم تفاهات شرذمه من الناس او طحالب على قولة ابو
راشد

[العز بالسيف]

المشاركة الأصلية كتبت بواسطة حاكم نجد

وقصايد محمد اللي البعض يرى ان فيها خطاء وليس تدني في الاخلاق كغيره

محمد يطرقها على مسامع الكل على منصة القصيد

هل ضيدان يستطيع القاء قصائده هذي علناً ؟

هذا الفرق

أتحداك وأتحدى ابن خر الذيب معك إذا بتشيله عظامه أن يلقي هاتين القصيدتين
في الأمسيات الشعريه والتي تقام بالسعوديه..!!

القصيده الأولى :

جراح ولا تهون قصر لـي علـى عبدالمجيـد=واعتبر لا شفت العرب ولا المسلميـن اعتبـوا
الليل توه والشعر صـوت ينـادي مـن بعيـد=تسمعـه اذنيـي وتحبيلـه هواجيسـي حـبـو
يا أهل القصيد اللي ما يرويكم من بيوت القصيد=إلا الكلام الصـدق قربـت المناهـل واشربـوا
سلام رديه على الشاعـر طـلال بـن السعيـد=مضمونها بوش الإبن ماهوب مثل بوش الأبـو
لو النجاسه موحـده فـي العـود ولا فالوليـد=لكن الإبن ما يدري وش الطبخه وخبـل وجبـو
على صلاح الدين رحمه تشملك يابـن الوليـد=ولا العـرب حكامهـم يمـا هبـو ولا هـبـو
الشخص منهم لاتكلم تقـول قلبـه مـن حديـد=إلا تشك بعـض الأحيـان ان مرضعتـه لبـو
وإن صملت ما غير عود يابس في خوصة جريد=على ماقالـوا فالمثـال إمـا بركـوا ولا حبـو
أبشر بهـم عنـد المفطـح والكنافـه والثريـد=مـن المحيـط إليـا النهـر يالعنبـو يالعنبـو
يثر بهم ضرب العصا ويجيبهم صـوت العبيـد=لا جروا الموال مـن عبـر المكبـر وإلعبـوا
الله واكبر يازماني ويـش عنـدك مـن مزيـد=الناس من كثر الصياح اللي لقى فـود إتعبـوا
الغرب يعطينا شقا ويروح في القسـم السعيـد=ما نحزن إلـى سلبنـا ونحـزن يـوم سلبـو
نعزي الآخر من الحسـاب لا جـاء كـل عيـد=من القهر جانا الصداع النصفي وضغط وربـو
الله يعز الشيخ بن لادن على الأنـس المريـد=مثل الصحابه يوم غزوة بدر ساعـة مـا دبـو
ياسيد الحكام فوق الأرض مـن أعلـى صعيـد=تأبى المذلـه يـوم حكـام العروبـه مـا أبـو
إلا مكايـد كامـب ديفيـد أو معاقـل مادريـد=ماهيب منسوبه لمشوارك لـو النـاس انسبـوا
ندعيلك بدعـوة شهيـد ماخـذ بثـاره شهيـد=موقتـه مـع ساعـة الحجـاج لامـن لبـقو

مدح وتمجيــــــد للمشبوه ابن لادن..!!!
وكلنا نعرف تماما ماموقف ابن لادن من الإعراب؟!
حيث بالمختصر المفيد شخص سفيه ومريض نفسيا هرب خارج المملكه وأخذ يسب ويشتم الدولة والعلماء ويستثير الناس ويبث أخبار كاذبه ...وقد صدقه بعض السذج والسفهاء ولكن عادوا إلى رشدهم
حيث مازال هذا الكلب أكرمكم الله ينبح من الخارج وكشفه الناس على حقيقته وفضح أمره ففقد توازنه وأخذ يفرغ شحناته من خلال قناته الإفساد....والحمد لله على نعمة العقل
حيث مازالت القافلة تسير وابن لادن السفيه ينبح بعيــــــــــــــد..!!
فماذا يرجى من هذا المشبوه ومن هم على شاكلتهم لكي أكتب فيه أقصيده أمدحه وأمجده..!!
وللأسف هذا مافعله ابن خر الذيب..!!



القصيده الثانيه :

ياعبدالله ابن غراب والجود في الماجـود=وأنا في فرنسا ويش أخلي وويش أرجي
(أنا رحت فيها عند وحده من آل سعــود=ورجالها من ربع عدنان خاشفجــــي)
عفيفه عفيفه مالحقها ولا منقــــــود=عليها السلام وحورها النعّس الغنجـــي
لها بيت في جده وسواقها محمـــــود=على موترن ماهوب كدلك ولا هو ابـجي
مع إسطابه الخلفي سطابيــــن والا زود=وهو في النعيريه يسفر على الخفجــــي
تقل مهرتن من خيل راكان أو صاهـــود=أبعنها بالسرج والا بلا سرجـــــــي
رقت برج ليفل واجتمع من عليها النـــود=ورحب بها البراق والمزن والثلجـــــي
لو إنها تقول البرج برجي بدون شهـــود=تهاوا لها البرج وتهاووا هل البرجــــي
ياحكام نجد أنا بوجه المليك العــــــود=ويالله من جاني فلا غيره المنجــــــي
(لو إنها من العجمان ماهي من آل ســـعود=وهي بالحلا ذا كان زليت بالهرجـــــي)
وياخشمي عليك اللوم من شمة البــارود=ماينهاك عن دوس الحما وضعك الحرجـي

قصيده غزليــــه ولكن بشكل ثاني..!!
غزل في إحدى بنات الأسره الحاكمه في السعوديه ياللعجب
ويقال والعهده على الراوي أن
صاحب السمو الملكي الأمير سلمان بن عبدالعزيز
أمير منطقة الرياض
استدعى ابن خر الذيب في امارة الرياض
ووبـــخه أمام اللي يسوى واللي مايسوى..!!