نحتاج آرائكم واقتراحاتكم

[هامل الطرف]

يا جماعه والله قد يفهم من انه من قيبل الغمز واللمز مع احترامنا وتقديرنا لكل الاراء صدق بعض المشاركين يعني حنا مسوين فرعي ليه مو علشان ابناء القبيله كافه يختارون من يريدون ونعلم ان المقصود بالفخذ هم اخوانا وابناءنا واهلنا ال محفوظ يا جماعه والله هذا الكلام اللي راح يدمر هالقبيله يا رياجيل ال محفوظ من دور الشيبان وتاسيس المجلس وهم اعضاء في المجلس ولا قصور في ابناء عمهم واخوانهم من باقي الفخوذ.لكن لسياق المشاركه ذكرنا ما يقصده صاحب الموضوع.
ولقد قدموا الكثير الكثير لخدمة هذه القبيله الكريمه ومن مواقع اخرى غير البرلمان ولا احد ينسى ابدا ما فعله عجرااااااااااااااااااان رحمة الله عليه وعلى كل مسلم وغيره الكثير وهذا ليس فيه منة بل خدمة ابناء العم والقبيلة شرف وواجب لذاااااااااااااا يا حبايبنا ماله داعي الكلام اللي يراد منه قد يكون شق صف او لا تحسب عواقبه .
وبعدين ال محفوظ نا زلين مع ربعهم في سباق حميم ولا احد يقول انهم نجوا بس من فخذهم وهذا بهتان والارقام تثبت وبعدين ترى ال محفوظ عجمان ماهم من خارج القبيله وعلى هونكم شوي في الطرح وبعدين نزل من غير ال محفوظ من فخوذ هذه القبيله الكريمه ووصلوووووا يا رياجيل هذا سباق حميم بين ابناء العم واللي يقدم لربعه بيلقى ربعه وفزعتهم وراح يوصل مثل ما وصل الكثير واللي يقصر يام راح اتخليه في الفرعي وتختار غيرة وهذا حصل وكلنا رأيناه سواءا من ال محفوظ او غيرهم من الفخوذ فالعمليه ما هي محتاجه كل هالزخم والسلوم والوعله وغيرهم حنا ما نفرق الكل ينزعل مع بني عمه والطيب ولا فيهم ردي ان شاء الله والاجدر بيختارونه لان هذه القبيله متعلمه وابناؤها مثقفون ويعرفون الاختيار الصحيح وهم مخيرون لا مجبرون في الاختيار .
وبعدين سالفة وليد الجري ينزل نحن لا نقبل لا وليد ولا غيرة مع كل احترامنا وتقديرنا له ولباقي اخوانه ووليد الجري ما فيه زود عن ابناء عمه ولا فيهم قصور منه كلهم سوا وحنا مع القبيله لذا سالفة وليد ينزل وانصير خمسه مثل مطير هذا الكلام مع احترامنا لصاحبه مرفوض
وهذا يؤدي الى الفرقه ووليد ينزل مع ابناء عمه فرعي واللي يرضي القبيله يرضيه فهو فرد من القيبله ويسير على خطها ماهو القبيله اللي تسير على خطه مع احترامنا له ولاصحاب هذا الفكر.
فنرجوا مع كل احترامنا وتقديرنا وحبنا ان نترك هالامور اللي والله تضعف جمعنا ولا تنفعنا ونكون صفا واحدا مع اختيار القبيله والالتزام بهم من اي فخذ كانوا حتى يلتم الشمل وتبقى هذه القبيله في شموخ وان لايضيع الماضي الطيب وما فيه من سمعه طيبه وعزة وانفه بناها شيبانا واجدادنا على امور لاتستحق وما تسوى هذه وجهة نظر ارجوا السموحه والمعذرة ان بدى تقصير والكل فيه الخير والبركه ووفق الله الجميع لما يحب ويرضى.
ان اريد الا الاصلاح ما ستطعت