وقت العتب راح لا ترجع تعاتبني
مات الوفاء والبقا في راس وجداني
ماني مثل مانت خابرني وتحسبني
الخبل الاول ترى اصبح واحدن ثاني
مات الغلا بس ..!لا تهدم ولا تبيني
تركتني لين جاء النسيان ناداني
العام ادور سبب منك يقربني
واليوم ادور سبب عشان تنساني
بعثرتني في هواك ... انسى ترتبني
نسيتني الناس شفني صرت وحداني
كان السهر في هواك اللي محببني
والحين حتى السهر يكبر على اجفاني
اجيك يمحيني عتابي ويكتبني
مافيه طاري عتب يمر وجداني
وارجع وانا افقول وش للجرح جايبني
ادري بجرحك ولا دري وش وداني..!!
عن صدق الاحلام جاء الواقع يخاطبني
وعن فرح الايام جاء حبك وبكاني
مليت اشيل الامل والدمع يغلبني
واقول بكره يجي للشوق يلقاني
ويروح بكره واجي والوقت قالبني
وارجع على وحدتي واحزاني احزاني
بكيت العمـــــــر كـــــلـه يامــــعذبني
وشفيك ماتبكي الليله على شاني
كتبت ماهو عشان تقول: عاجبني
مليت من جزله..!! وصح الله الساني..!!
انا وطن شعر لو شعري مغربني
كتبت اجمل جروحي لجل تقراني
خلاص لا تتعب وترجع تعاتبني
انا نسيتك دخيل جروحك انساني
تقبلواا تحياتي::
دوسريه متبقطه
21-07-2009, 04:38 AM
العرض الشجري