( كارثة الجهراء ) ../.. ( عظم الله أجركم يا أهل الكويت )

[خالد بن رمثان]

السلام عليكم ورحمة الله وبركاته




ما عندي أي مقدمه لهذي الكارثه , وما أقول ألا الله يصبرهم ويرحم موتاهم ..



..

..


عظم الله أجركم يا أهل الكويت
و العزا لأمواتنا في كل بيت

والله إن النوم من عيني قذا
ما رقدت و ما فرحت وما هنيت

يا هل الجهرا عليكم بالصبر
الصبر يا بن آدم إن كانك بُليت

كلنا بنموت لو طال الزمان
لكن المغزى تدارك وش جنيت

و البقا لله علاّم الغيوب
يالبنادم لك مماتك لو بقيت

قدّر الله ُ و ما شاء َ فعل
ما نعارض قدرة الحي المميت

و الحزن في خافقي شب حطبه
و احترق صدري و أنا منْه اشتويت

و العيون اللي تشح بدمعها
صارت أكرم عين يومّني بكيت

و الفرح عني تلاشى و ابتعد
و السعاده فارقتني و انتهيت

من يلوم النفس في كبر الحزن ؟
ومن يلوم أبيات شعري لو رثيت ؟

و حالتي والله أنا يرثى لها
لو بفسر حال ضيقي ما وفيت

كلها بأسباب عرس أهل العيون
ليت مابه عرس / و ألا ليه ليت ؟

يومهم هذا و مكتوب ٍ لهم
و القدر ياتي لو إنك ما بغيت

يا عسى يالله فيهم رحمتك
و يا عسى يلقون عفوك لا عفيت

و يا عساهم كلهم مستشهدين
و جعلهم في جنتك ممن عطيت

و السلامه جعلها فال الصويب
و يا جعلني مستجاب إليا دعيت

و العزا ماهو عزاكم يالظفير
العزا هذا عزا كل الكويت..



و سلامتكم

..

[فلاح بن ملبز]

حجز

[موادعك خيره..!]

خالد الرمثان


شاعر تواكب الأحداث وحريص على المشاركه في كل حدث مفرح ومحزن..<<عساك عالقوه



و العزا ماهو عزاكم يالظفير
العزا هذا عزا كل الكويت..


صح لسانكـ وعزالله صادق عزا كل الكويت

[فــلاح]

صح الله لساااانك ياخالد



وجزاااك الله خير على القصيده اللي في محلهــااا



والله يرحم المتوفين ويجبر خواطر اهاليهم ..

[فلاح بن ملبز]

آرحب يا ابو مانع

وصح لسانك على ذا القصيده اللي سمعتها قبل لا أقرائها

والله يرحمهم ويسكنهم الجنـه

وجعل ذا القصيده في ميزان أعمالك

ولاهنت

[فهد بن سعود]

و العزا ماهو عزاكم يالظفير
العزا هذا عزا كل الكويت

صح لسانك يا خالد بن رمثان

شاعر متواصل

[مغتـــــرب]

صح لسانك يابن رمثان


والله يرحمهم ويغفرلهم




جزاك الله خير

[تركي بن فـهد]

صح السانك يا مبدع


وجعلهم في الجنه كلهم


وانت تعرف شهادتي فيك



تقبل مروري



اخيـك ومغليك

[**عافكـ الخاطر**]

صح الله لسانك يا بن رمثان


وبيض الله وجهك



والله يرحمهم ويسكنهم الجنه



ويشافي مرضانا ومرضى المسلمين

[ابن شتــــران]

خالد

.

صح لسانك ولا هانك الله على هذا النص

والله يجزاك عنا كل خير ..

والحادثه مفجعه لنا جميعا واثرت على نفوسنا

فرحمة الله على الضحايا اللي ان شاءالله يكونون

شهداء عند المولي العزيز ورحم الله حال المرضى

وحالنا جميعا .