يا ذيب

[حسين ال الحارث]

ياذيب خل الزام عنك يولي=
روح وسوق الهم للقيظ سوقي
روح وأنا لا صدرت وأصدرت لي=
أعل كبدي غصب وأعل نوقي
روح وأنا زبن الخوي لا التفت لي=
أعطيه مادوني وتحتي وفوقي
ماني من أصحاب الكبر والتعلي=
أحشم عزيزالقوم ذرب الطروقي
الذيب من شوف الذيابه ماملي=
تعاونوا في بردها والحروقي
وأنا فصيلي كل ذيب" يهلي=
بالموت ودجى الليل ينعى الشروقي
حق الذيابه في عيونه محلي=
واعرف بعد والكل عارف حقوقي
وياذيب شرف فوق رجمك وطلي=
أشبح تعين صافيات العروقي
أشوف عرقه فوق جلده محلي=
روض"خضر فيه البرد والبروقي
وياطير ياخفاق بالله شلي=
شل السلام و كايدات الطروقي
خل الجبل يبكي حيوده تهلي=
من حر مابي من خفايا وشوقي
ثم قل لها من بعدها مايبلي=
الربع والدهنا سهل والعروقي
لاذكروني قمت أدندن وأعلي=
صوتي على صوت الرعد لا يفوقي
ياكيف أخلي مهرت" ما تخلي=
خيالها يوم الوغى والتفوقي
من جيدها كلت الرطب ومتدلي=
وأبيارها تسقي ضمي الحلوقي
محبوبتي تاريخ عنوانه إلي=
يقراه يدري بالفرق والفروقي
أقراه لي من فوق رجمك وقلي=
خابرك لصادق وفي وصدوقي

ش/ حسين ال الحارث اليامي

[**عافكـ الخاطر**]

صح الله لسانك يا حسين على القيده الجزله من شاعر جزل

[Aq9aK..~bShr]

صــح لــسـأأنــك

[حسين ال الحارث]

صح ابدانك يا قناص
وشرفتني يابن عمي بمرورك

[حسين ال الحارث]

صح ابدانك
AL~7beNI
وشرفتني