السلام عليكم ورحمة الله وبركاته
اقدم لكم قصيدتي هذه وهي تعبر عن نفسها
كانك تحسب اني مع الوقت سجيت = فاعرف ترى الذكرى لغيرك خساره
امسح دموعك واسمع الصوت ناديت = بسمك تعال ولا ترد العباره
ارجع لقلباً قد جعلناه كالبيت = محدا سكنه الا سمي الصقاره
بوصف العيون اللي بها كم تعنيت = امن الحرار العين تاخذ نماره
لا واهني المسباح لو فيك حسيت = يلعب مع الذكرى وانا بنتظاره
كم ليلةً جريت بالصوت غنيت = وين الوليف وين صارت دياره
ياخوف لا تاتي على ماتهقويت = وتسج من قلباً بنالك عماره
ياخوف لا تنسى وانا ماتناسيت = وتحط في قلبي لهيب الزقاره
انا اشهد ان الحب لو رحت وان جيت = باخر مسافاته لقيت انكساره
احداً يذوق الغدر ويقول ذليت = عقب المرابح كيف راحت تجاره
واحداً يموت الحب ويقول كم بيت = وهذي بيوتاً قلتها في اندثاره
ليت الزمن قفا على يوم قفيت = وانسى لهيب الصدر ويالحراره
وليت الزمن عدى ولا قيل حبيت = امسي مع النجمه واعيش ابنهاره
27-01-2005, 01:58 PM
العرض العادي
