البارحة يوم الاوادم خواشيع***في نومها وانا على الكوع واعي
هم(ن)يمزع سترة الجوف تمزيع***تقول ينهش ثومة القلب افاعي
خذت القلم من بين روس الاصابيع***وحبيت اميز سيرتي وانطباعي
عزلت من صدقان عطلة الاسابيع***وعزلت من ضحك الوجيه الصناعي
وعزلت من بنين(ن)بأمالي مشاريع***جميد برد ولا انس الشمس ماعي
وعزلت من زرع الخلى البلاقيع***وعزلت من رفع الثنية رباعي
من نفعة اللى ماطلبني منافيع***جميلة(ن)في غير اهلها ضياعي
بسوقها معاد لا اشري ولابيع***لخطيت من رفقة طويل الذراعي
اللى على الرفقه يسوقه دوافيع***هذاك تشرى رفقته ماتباعي
اما يشجعني على الطيب تشجيع*** والا يعلمني حميد المساعي
والا ليا منه رمعني رواميع ***واضاقت على كل الفجوج الوساعي
جيته ويسر لى عسير المواضيع***وخلا خفايا خاطري له وساعي
معرفته ماهي معرفة طماميع***ماتنتج الا الغطرسه والضياعي
ســــــــــــــلامـــــــتــــــــــكـــــــــــم. ....
مـــــــــنــــــــــقــــــول....
30-01-2005, 07:23 AM
العرض العادي
