مرثيه فيصل الشولاني

[فاضل سالم الشولاني]

يقول من غنى على زين معناه 000 اليالعب يختار جزل المعاني
اطب في السوق الغلا واخذ اغلاه 000 نفسي على القاف الجزيل اتحداني
يوم الاحد ياشين علم سمعناه 000 علم يهز اللي ضلوعه امتاني
يالله ياللي يسجد العبد لرضاه 000 ماله شريك في العبادات ثاني
تجبر عزانا في رفيق فقدناه 000 الله ماكبر فرجة الشولاني
كل يقول اسين ويقول عزاه 000 زود على العجمان روس اقحطاني
لو البكا يرد فيصل بكيناه 000 لين الدموع تصير عشر وثماني
ليت القدر قفا بغيرة وخلاه 000 خلا لنا فيصل وسيع البطاني
لاشك حكم الله وحنا رضيناه 000 حكم القضا للمسلمين امتحاني
الموت حق ولاتوني مطاياه 000 غارات بقعا يالله المستعاني
مرحوم ياللي تفعل الطيب يمناه 000 ضلع يذري عن ظروف الزماني
عيد الطروش اللي من بعده تنصاه 000 لاروحو عقب التعب والهواني
تلقاالدلال اللي على النار مركاه 000 فيها العويدي خالطه زعفراني
يذبح ولد ناقه ويذبح ولد شاه 000 الظفر ينجا والكريم المعاني
هداج تيما مايحسب لدنياه 000 حصل علوم الطيب والعمر فاني
سمح القبل سهل جنابه لمن جاه 000 احلى من الماء فوق كبد الضماني
ومراجعين المحكمه ماتعداه 000 من شاف بيته قال مكتب ضماني
ياربعنا وشلون ندله وننساه 000 في كل ديره للسنافي مكاني
كل يسولف به وياتي بطرياه 000 ذكر الحيا ولا سهيل اليماني
الله يصبرنا على حر فرقاه 000 ويعوض ابو هاجس يخضر الجناني
هذا وصلوا عد نو نثرماه 000 على رسول الحق سر وبياني

اعذروني بس مدري منو الي قايلها
وان شالله اقرب وقت اجيب اسم قايل المرثيه