اهل الشعر

[فلاح بن مبخوت]

السلام عليكم ورحمة الله وبركاته

اقدم لكم اخواني قصيدتي هذه وهي تعبر عن نفسها

ــــــــــــــــــــــــــــــــــــــــــــــــــ ــــــــــــــــــــــــــــــــ
بكتب القاف وانشد هل الشعر كيف = نحبك الشعر ولا نجيبه كذا

دلة الشعر ماهي بدلة حنيف = والمعاني تفاوت على ذا وذا

المعاني على مثل ماقيل طيف = والوزن عسكرياً ينادي حذا

والجزاله ثمينه ودرعاً وسيف = سعد منهو تعلم ومنها خذا

شاعراً لا نطق يجعل الجو كيف = ماتجي في لحونه حروف الوذا

مثل شالح وراكان ولا الخفيف = وابن لعبون ولا خلف لا شذا

ومثل شعر السديري وشعر الكفيف = النصافي صقر للمعاني غذا

وابن هادي وشعره وبحراً مخيف = والعواجي معاهم ولو حبذا

نذكر ان الخلاوي وولد الشريف = لنصيحه مدارس وكم تلمذا

والمهادي وجاره وشعراً طريف = وان بغيت الهجاء بندر اذكر لذا

والغزل لا بغيته وشعراً نظيف = خالد الفيصل اللي يعالج أذا

والحزن والأسى مثل جرحاً نزيف = والرثاء عند نمر ان نشدتو إذا


وسلامتكم

[تايه الغربه]

صح السانك يا فلاح بن مبخوت

سجل إعجابي بهذه القصيده وبشخصك الكريم

تقبل تحيات اخوك تايه الغربه

[فلاح بن مبخوت]

صح ابدنك ياتايه

وانا مسجلك في القلب منذ مبطي طال عمرك

[ابوتركى]

بكتب القاف وانشد هل الشعر كيف
نحبـك الشعـر ولا نجيبـه كـذا

دلة الشعر ماهـي بدلـة حنيـف
والمعانـي تفـاوت علـى ذا وذا



سلمت يمينك بن مبخوت على مانتقيت لنا وعلى ماسطرته لنا

من مشاعر كاشفتنا بهاا

تقديرى

[فلاح بن مبخوت]

ابو تركي وسلمت يمناك ولاعدمناك

وتقديرك اعتز فيه وانا اخوك

شاكر لك المرور الكريم

[عـزام]

يا سلالالام يا سلالالالالالالالام

يا ابن مبخوت

مبدع

وابياتك رائعه


صح الله لسااااااااانك مليوووووووون يالسنافى

ولا هنت

[فيصل بن حجرف]

صح لسااانك يابن مبخوت
ومبدع كما عهدناك

[الهنوووف]

صــــــــــــــــــــــــــــح لســـــــــــــــــــــــــــــــــانك
يا طويل العمر 00

[مـحمـد]

الزين مايجيب الا الزين يابن مبخوت
صح لسانك على القصيده المحبكه

[فلاح بن مبخوت]

عزام صح ابدنك والله لا يهينك

مرور اعتز به