المصافحه الاولى

[إبراهيم ال منصور]

بسم الله الرحمن الرحيم


هذه اول مشاركه لي واتمنى انها تحوز على رضاكم

سلام ممزوج الوصل والتحــــــايا=من هـــاجسٍ يطرب لبدع المثـــــايل
يصوغ مــــــا يذهل عقول البرايا=مثايلٍ مــــا هــاضهــا كل قـــــــــايل
تنصــا عشيمه فوق روس العلايا=في مــاكرٍ مــا يدهله كل عــــــــــايل
علي دروب العز ســـاق المطـايا=يهجهـــــــــا صــوب الظفر بالجزايل
ينطح ليا جار الزمان السرايا=ويبيع روحه لي غدا الوقت مايل
مبداه مبدا طيــبـــيــــــــن المزايا=حرٍ قطامي للجمـــالات نـــــــــــــايل
للناس من يمناه جزل العطــــــايا=قد يغتنــي من مدته كل ســــــــــــايل
شيد لربعه من فعوله رســــــــايا=ظلٍ ليا عدت فعــول القبــــــــــــــايل
جدانه اللي يعتلون السبــــــــــايا=من يوم عـــاد الناس صايل وجـــــايل
صغيرهم يارد حياض المنـــــايا=مــا هــــاب من ردع الجموع الهوايل
فعولهم قد ورخوها الدهـــــــــايا=ومارت بهم إمنقضـــــــات الجــــدايل
ســـاسٍ مشيد مـــــا بني بالدوايا=عندي علـــــي هرجي صروح ودلايل
مانـــي بمن يظهر نقيض النوايا=موثوق قولــــي مـــــا يجـــي له بدايل
اصدق بقولي ما كسبت الخطايا = والهـــــافيه مــــا تحتميها الحمـــــــايل

[ديقول22]

لاهنت ع النقل يالغالي

[هــــــــــادي]

صح الله لسانك واعتلى شانك

ولا فض فوك يا ابراهيم


اتمنى من المشرف نقل القصيده للمكان المناسب وهو قسم صدى المشاعر



احـترامي

[فلاح بن ملبز]

ارحب يا ابراهيم

وصح لسانك على ذا القصيده

وكانها لك علمنا عشان ننقلها لمكانه الصحيح

في انتظارك

[إبراهيم ال منصور]

المشاركة الأصلية كتبت بواسطة ديقول22

لاهنت ع النقل يالغالي

حياك الله والقصيده لي وليست منقوله

[إبراهيم ال منصور]

الاخوان
هادي وفلاح صح ابدانكم والقصيده لي وليست منقوله