مشتاق لي ؟ خذني ترى كلني شوق

أبوهاشم · #1 19-11-2009, 01:45 AM

[/b]

مشتاق لي؟ خذني ترى كلني شوق
من شافت عيوني حلايا محياك
وإلا دريت؟ أرمش وانا أجيك مطفوق
آموت انا بالعين وأحيا بلاماك
وإلا أبتسم ياللي من الزين مخلوق
ليمن تغار من الثنايا شفاياك
ولهان حيل وحل في القلب خافوق
ليلي طويل وزيد الهم فرقاك
هايم و ذكرني دجى الليل مفروق
أوشى بمقرون الحواجب وغطاك
كلما رفعته عن جبينك على فوق
عاند وحول يطرد الرمش وأعصاك
يا صبح خذلك جذوةٍ من سنا بروق
وجهه ونوّر به سمانا ولفلاك
ياضي بخدٍ له كما الشمس بشروق
هذاك لي طب المعاليق هذاك
يازين يافتان يا ترف يا ذوق
يا حلو يا جذاب ماكثر حلاياك؟
يا غصن يا مياس يا عذب منطوق
محلاك يا محلاك محلاك محلاك
كن الجمال اللي كسى كل معشوق
يطوف باركانك ويسعى بمسعاك
وإن قلت لي مشتاق! انا كلني شوق
وأشدي مع اللي يقول أهواك أهواك .

ناصر العظيمان · #2 19-11-2009, 01:59 AM

وإن قلت لي مشتاق! انا كلني شوق
وأشدي مع اللي يقول أهواك أهواك .

الله الله

صح للسانك ياأبوهاشم

تقبل مرورري

بنت الزعبي .. · #3 19-11-2009, 03:09 AM

السلام عليكم ورحمة الله وبركاته

وإن قلت لي مشتاق! انا كلني شوق
وأشدي مع اللي يقول أهواك أهواك

صح لسانك وبيض الله وجهك

لا هنت ع القصيده العذبه

تقبل حضورى المتواضع

أبوهاشم · #4 20-11-2009, 09:05 AM

مشكورين على المرور والتعليق وهذا شرف لي