السلام عليكم ورحمة الله وبركاته ..
الحب حوضٍ وارده ستين صنف من العباد = احدٍ غرف بالملعقه واحدٍ بسطل الماء غرف
واحدٍ دخل في معمعه واحدٍ شرب كاس البعاد = واحدٍ من اخلاصه على خده من ادموعه ذرف
اقولها وانا كلامي لا نطقته ما يعاد = جربتانا والتجربه برهان للي ما عرف
واثق بنفس الوقت عارف ماخذٍ درسٍ وكاد = علمني اشلون الغلا .. كالسيل لامنه انجرف
ماكل من شفته يثيرك لو كسى عينه سواد = وما كل من شفته .. يدش القلب لو بالرمش رف
؟؟؟؟؟ لا تعليق ؟؟؟؟؟
هذيك لا مرت على بعض البشر صارو جماد = والبعض انا باستغفرك يارب خطرٍ ينحرف
العين فيها الرمش طاغي.. والحلا غطى وزاد = وعقل.. وثقل .. منه كفو يقدر يدوس الها طرف
صالح بن جار الله ..
الله واكبر مزين قصيدك ..
ما اقدر اقول غير ( ابداع يفوق الوصف ) ..
كايده من كايد ..
سجل اعجابي ..
ولاهنت على كل حال ..
ولا خلا ولا عدم ..
ماجد المهنا
11-02-2005, 11:16 PM
العرض العادي
