انا لا دك بي هوجاس قلت ايه يا ميار

[ابو غالب]

يا سلام الله عليكم اجمعين=ليت ابوعواض يا عبدالمعين

يدخل الضوله ويفهمها فطين=والله الوالي ولا غيره ولي

غلطان ياللي تحسب اني ابو مَيّار=وحياتي غلطان لا ماهي عزوبيه

والله اني بكم نفسي انا محتار=لاكن نصون القلوب ونبعد السيه

[ابو غالب]

الرد مفتوح للجميع

[فيصل بن حجرف]

صح لسانك يابو ميار
وفي انتظار شعار المنتدى

مبطين من اللعب

[ابو غالب]

هلا و مرحبا يابو عبدالله

صح بدنك

[فلاح بن مبخوت]

مرحب(ن) باللي بداها بالسلام = ياسلام الله عليكم ياكرام

مرحبى والشعر مافيه انفصام = والله الوالي ولا غيره ولي

يامرحبى والزمان اللي قضى مادار = ان كنت طامي نقول النعم والميه

وان كنت غيره نعد الدار والمقدار = كلن على علته نكوي له الكيه

[ابو غالب]

البقا يا صاحب البال الطويل=ابغي شورك خابرٍ شورك يحيل

عاشقٍ مبعد ولاحقني فتيل=والله الوالي ولا غيره ولي

طامي حكيمٍ مصلي ما يجوس العار=المتقي المزكي صافي النيه

رمعتك اخطت وقدم انك تعيد الكار=ترا حروف المعاني ماهي مطليه

[فلاح بن مبخوت]

الفتيل اللي تقوله ياولد = نحمد الله مالحقنا من بعد

ودارنا ياخوك هي دار الفهد = والله الوالي ولا غيره ولي

ياجعل طامي يشوف الخير والأمطار = (وياسلامي عليكم يالسعوديه)

وياسلامي على البلدان والأقطار = هذاك معنى عسانا في حراويه

[ابو غالب]

الشاعر الشيخ فلاح بن مبخوت

صح لسانك ولاهنت

تشرفت باللعب معك يالمعيضي

دايم تغلبني

[فلاح بن مبخوت]

صح ابدنك يابوميار

وعزالله انك شيخ ومن نسل شيوخ

والمحاوره وانا اخوك القصد منها شي مما في الخاطر

مادورت لغالبها ومغلوبها وانا اخوك

ولا تسج من الرساله