عذيب اللما

[سالم آل رشيد]

الهجوس اللي اشغلتني كلما=جيت باسلى عودت كنها خصيم
اتوارد ورد هيم لعد ما=اشهد ان لفكار لطاروق هيم
كنها البراق في عرض ادهما=من بعد صب المطر هتان ديم
يابديع الحسن يا بدر (ن)سما=في السما نورتي الليل البهيم
يانهيف القد ياعذيب اللما=قد مثل الخيزران وعنق ريم
خاتم اسليمان ذاك المبسما=ما نفرط فيك يالحب القديم
والخشم ياشبه سيف(ن)صيرما=والجبين ايلوح كنه برق غيم
والشعر فوق المتون اليا ارتما=شبهه بالروض لي هبه نسيم
اسقني من ماك انا جسمي ضما=لا تخليني وانا حالي سقيم
ننتضر للوصل منك مثلما=ينتضر محتاج مدات الكريم
شوفتك ياشبه نوار(ن)زما=كنه النوار في روضة خريم
الفصيح ان شافها صار اطرما=والكلام ايضيع من اكبر حكيم
يبتلش في وصف زينه وانعما=لين صار ايقول حرف الجيم ميم
خبروه ان كان جيتو للحما=كلمنين اقولها له في الصميم
من توهق فيك ماله لايما=ايتقلب بين جور وبين ضيم
(مثل من ينفخ ولا به برطما=مشكله ياكيف تنفخ ياشريم)
لغز مستعصي وحل(ن)مبهما=راح وقته بين سين وبين جيم

[Najla]

شوفتـك ياشبـه نوار(ن)زمـا
كنه النوار في روضـة خريـم

:

حياك الله اخوي سالم آل رشيد .,

صح لسآنك ملآيين و لاهنت ع القصيدهـ الجميله ..

كل الشكـر.!

[ﺂلـِ͡ـِبطْـِرﺂڼ ̸~]

[size="6"]
ننتضر للوصل منك مثلمآ ***** ينتضر محتآج مدىت الكريم .

صح لسآنك يا سآلم بن رشيد . . .

ولآهنت والله لا يحرمنى توآصلك .[/size]

[عايض بن صهيب]

صح لسانك وبيض الله وجهك

[ناصر البرغش]

الله الله


سالم ال رشيد

صح لسانك ولاهنت


تحياتي وتقديري

[فلاح بن سويري]

صح لسانك

ولاهنت

[محمد المحلكم]

صح لسانك مبدع

[فيصل ال رشيد]

صح السانك

وتسلم يمينك على الابداع