.... (( قــول : إلـــى بـخـآطـــرك )) .... (2)

[s3odi]

تصبح على خير ياصوت(ن) يسامرني
يدفي شعوري ليامن عانق اسماعي

ليمن سمعته يسرّيني وياخذني
مدري على وين ياخذني وانا واعي

أنسى من الناس دام انه مواصلني
أبحر معا نبرته وارفع له اشراعي !!


.

[العيطموس]

.
.
.
" ياطير " ياللي في قفص صدري سجين
.......... ما اظن " باقي " بعد هالفرقا اجتماع
قم نطوي الليله " وجوه " الراحلين
.......... وننسى " الوداع " اللي قبل دمع الوداع
.
.
.

[دايم اهذريبكـ]

من يعرفك : صعب ٍ يجي يوم ينساك ,
والله ما أقول .. الا ( عسى الله يعينه ) !


عزالله .. يجدد مع الوقت ( ذكراك ) ,
ويردد [ أسمك ] .. بين نفسه / وبينه ,

[العيطموس]

أبيك في كلمةٍ لو هي خطا تغفـر لي الزله
........ وردتك ظاميٍ وان عز وصـلك بااقطع حبالي
أحبك ذا ترى أول كلامي .. وآخره كله
........ ولكن وش يضر اليـوم لو تدري عن احوالي
وخذ ما جـاز لك من هالحكـي واللي تبي خلـه
........... انا لا قلت ما في خاطري والله ما بالي
ظلال العاشق جروحه ومن ما يتبعه ظله
......... أمانة يا شعاع الشمس لا تغضب من ظلالي
وتقـدر تطـوي الدرب البعيد وتقـدر تفـّله
....... ولكن صعب تمنع في الهـوى صبري وترحالي
وتقـدر تغمد السيـف الرهيف وتقـدر تسلّه
.......... ولكن عـند خلاّق البرية علم الأجالي
متى عمرك سمعت بعاشق قد مات من غلّه
......... هذاك الحاسد وراعي الهوى تتلفه الأمالي
حبيبي من يعـزك في الهوى ما تقدر تذله
.......... ترى قربك يزيدك بالغلا وان عفتني غالي

.
.
.

[دايم اهذريبكـ]

شفت الزعل ؟ منك انت بالذات ما اقواه !
ابدأ اهوجس بك .. و انادي .. و احاتي

عند .. الزعل .. تصبح حياتي.. [ معاناه ]
ممكن تحاول ! ما تصعّب حياتي

[العيطموس]

مؤمن بما يكتـب لـي الله ولكـن
بليت نفسي فيـك عشـق وبليتـك
,,
,,
تغيـب وعيونـي عليـك يتباكـن
لو انك تسقيني الوصل ما ارتويتك
,,
,,
خليت حسرات الزمـان يتراكـن
بين الرجاء والياس ليتـك وليتـك
,,
,,
داويت جرح" من قسى الوقت ماكن
والا فتعطيني ربـع مـا عطيتـك
,,
,,
وخليت ناقلـت الهـروج يتحاكـن
ومن كثر ما اجحد أحسبني نسيتك
,,
,,
ما شفت قلبي والعيـون يتشاكـن
أغير منهم من كثـر مـا هويتـك
,,
,,
سريت لك مشتاق والليـل داكـن
يستر ظلامه وقفتـي عنـد بيتـك
,,
,,
تقول حبك بين الأضـلاع راكـن
وأقول هذا اللي ذبحنـي وجيتـك
,,
,,
سمعتني محمد يغنـي (الأماكـن)
وأسمعك (واحشني موت) وفديتـك

؛؛
؛؛

[بندر التركي]

صباح الخير ..


البارحة هاجت علي التفاكير
ليلة قضيتها بين هوجاس وافكار
ولا لقيت لما وطى النفس تفسير
واصبحت كني راعي النار والغار
حزن بقلبي كسر القلب تكسير
لولا ضلوعي تردع القلب قد طار
وعلى الذي لة داخل القلب تقدير
الصاحب اللي بيني وبينة اسرار
دار الزمان وصار بالعهد تغيير
مدري غدر بي مدري الوقت غدار
قبل الموادع قلت تذكرني بخير
ابعد وانا ابعد وافرض الحب ماصار
حنا نوينا وعاكستنا المقادير
وهلت دموعة يوم فكر بالاقدار
قلت النهاية جعل دربك مسافير
حاول تناسى اللي مضى وصير صبار
قال اللة اقوى ماطلبتة بيصير
غصب علي قال ماكنت مختار
ياللي جرحت القلب لية المعاذير
جرحتني ولا تترك الجرح تذكار
وشلون بصبر كان شفتك مع الغير
وانا الذي عليك من نفسي اغار

[العيطموس]

صباح الأنوااااار



والحب ما ينفع معه فزعه ولا واو معطوف
........ والحب لو زالت جبال الارض ذكره لا يزال
يرقا على رجم الغرام ويصدمه نبض الحروف
........... اشوي من نسج الغلا واشوي من نسج الخيال



.
.
.

[بندر التركي]

سافر وترجع ياحبيبي على خيـر
وأشوفكم عقب السفر بالسلامة



عسى السفر لك ياعيوني مسافير
يكفي عن التوديع منك ابتسامـة



مادامت الفرقى علينـا مقاديـر
معذور لوعضَّيت كف الندامـة



لالا تعـذَّر وش تفيـد المعاذيـر
مسموح مابيني وبينـك ملامـة



وأعرف ترا حبَّك شغلني عن الغير
حطَّيت لك وسط الظماير علامة



قلبي على لاماك يكفخ كما الطير
وجفني على طرياك ينكر منامـة

[دايم اهذريبكـ]

صباح النورر


يا صاحبي .. دام المشاعر .. نشيطه !
لا يبدر التقصير .. ( منك و مني )

تباً و سحقاً لـ ( الظروف المحيطه )
مهما قست .. ما خيّب الوقت ظني

كل المشاكل في عيوني .. بسيطه !
الكارثه - فعلاً - لو تغيب عني