اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى القـــصص والروايـــات ::

إضافة رد
 
أدوات الموضوع انواع عرض الموضوع
  #1  
قديم 03-03-2005, 10:02 PM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856
ابن هادي شيخ قحطان وابن مويم الودعاني ((قصة وقصايد))

كان لشيخ قحطان محمد بن قرمله عان من الدواسر وهو نوع رحم أو معرفه،فأعطاه الشيخ ناقه يسقي عليها على نخله ولم يردها،وحصل من الدوسري كلام أو شبهه أغضب الشيخ إبن هادي فطلب رد الناقه مع أنه يعطي أجزل منها،وأنشد هذي القصيده




يا راكبٍ من فوق طلق الذراعين=يطوي مسير اليوم من طول باعه
يسرح من الظفره بلاد النسيين=يعجبك بالخد السماح ارتباعه
حدر على (الجريان) هم (والخرامين)=شرايةٍ للمدح ليا جا مباعه
وسند على (الرجبان) هم و(القثامين)=من مثلهم حط الوداعه طماعه
يا فاطري حني قصور( الوداعين)=حني حنينٍ من توحاه راعه
حني حنينٍ حول قصر الخماسين=ومخصوص عبدالله صبي الوداعه
يا فاطري ياللي ثمنها ثلاثين=وإلا معانقة الجمل بإندفاعه
يا ما رعت من باطنٍ زاهره زين=ميرادها عدٍ تعاون اسباعه
يبرى لها قب سواة الشياهين=قب إلى هد القواصر قطاعه
بديارنا كل العرب عنه عجزين=والا ترى قومي غدوا به طماعه
إن كان هم نسيوا ولاهم بناسين=باروا إيجازيهم وليّ الشفاعه
الله يثبتنا على كلمة الدين=دين النبي يا حي ذيك الطماعه




وحيث إن الشيخ نخا بقصيدته شيوخ وكبار الوادي رد عليه الشاعر مبارك إبن أمويم الودعاني الدوسري




يالله يالمطلوب ياعدل الموازين=يا ابا الجزايل منك نرجي الشفاعه
إنك تزينها وتظهرها على الزين=وترفع مقام اللي رفيعٍ شراعه
مبارك بدع قافٍ يشوق المغنين=قافٍ على المعنى يشوق إستماعه
صاح المصيح سابره شاف بالعين=واستلحق الفزاع باقي الفزاعه
هاتوا لنا فرخ من الطرس عجلين=نكتب لرداد القوافي وداعه
يركب مقيمٍ وابن سيفٍ قعودين=أواركٍ ما وقفن بالمباعه
ما منهن اللي خرق خشمه ولا هين=ولا سيق في زرع الليالي وداعه
من جيش أهل ضنك عليهن هوالين=يطون صحاصيح الفيافي بساعه
يلفن لنا شيخٍ وراعي نبا زين=محمد ولد هادي طويلٍ ذراعه
حاذور بالمسمار لا يقرب القين=فإن الخطر من قينها بإنقطاعه
حنانتك ذا اللي تعج الوداعين=تقول لها حني حنين المراعه
ما راعنا المدفع وقبس العثانين=ولاا حرك المقداح راعي الزعاعه
ترسي بنا صفر الكرب والعراجين=ونضيّف الخاطر نهار المجاعه
نذخر نقاوي من ثمرها المواعين=ما ازين تناطف دبسها بإتباعه
من جدنا في فرعه البقع مرسين=كم شيخ قومٍ حِط فوقه شباعه
حطيتها بينك وبين القثامين=والشيخ مثلك في جنابه طماعه
حطيتها ذم وهي محتسب دين=وذي عادة الفراع يعطي الفراعه
جاتك عرافة فاطرك جعلها البين=عنا وعنكم بالبلا واندفاعه
دوه لها جعله تشلح بسكين=في ديرتك داجوا عليها الجماعه
مسترفعينك من بواقي الحكا الشين=ومن كال لنا بالمد نوفيه صاعه

__________________

رد مع اقتباس
  #2  
قديم 03-03-2005, 11:12 PM
ابو محمد ابو محمد غير متواجد حالياً
 عضو فعال
 
تاريخ التسجيل: Aug 2004
الدولة: أبــوحـلــيـــفه
المشاركات: 4,550

ونــعم في الدواســر وفي ابن هادي

ولاهــنت يابو مبــارك على القصه والقصيده

ابو محمد

__________________

رد مع اقتباس
  #3  
قديم 04-03-2005, 02:53 AM
تاريخ العجمان تاريخ العجمان غير متواجد حالياً
 عضو جديد
 
تاريخ التسجيل: Feb 2005
المشاركات: 30

العماني بيض الله وجهك علي القصه والقصيده والدواســــــــــــر مايحتاج تاريخهم جبل شامخ واشهر من نار علي علم والنعم مليون في قحطان وابن هاااادي

رد مع اقتباس
  #4  
قديم 04-03-2005, 03:34 AM
محمد آل نصار محمد آل نصار غير متواجد حالياً
 عضو ذهبي
 
تاريخ التسجيل: Jun 2004
المشاركات: 538

بسم الله الرحمن الرحيم
السلام عليكم ورحمة الله وبركاته

العماني .

الله يرحمهم ، وبيض الله وجهك.

__________________


ياعين وين ربوعك اللي يسرون = كم سهلتنا من دونهم مجرهده

رد مع اقتباس
  #5  
قديم 05-03-2005, 03:16 AM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856

ابومحمد

والنعم بحالك وماعليكم زود وتسلم على المرور

تقبل تحياتي،،،

__________________

رد مع اقتباس
  #6  
قديم 05-03-2005, 11:24 PM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856

تاريخ العجمان

ووجهك ابيض يالقرم وماعليكم زود والنعم بحالك ولاهنت على الاطراء الطيب يالسنافي.

تقبل تحياتي،،،

__________________

رد مع اقتباس
  #7  
قديم 09-03-2005, 08:06 PM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856

تاريخ العجمان

ووجهك ابيض يالقرم وتسلم يالطيب على الرد الطيب ماعليك زود.

تقبل تحياتي،،،

__________________

رد مع اقتباس
  #8  
قديم 10-03-2005, 11:59 AM
الصورة الرمزية هند
هند هند غير متواجد حالياً
 عضو vip
 
تاريخ التسجيل: Mar 2004
المشاركات: 29,801

السلام عليكم

الأخ الفاضل ، العماني
جزاك الله خير على القصة والأبيات

ننتظر القادم


السؤدد

رد مع اقتباس
  #9  
قديم 11-03-2005, 11:32 PM
الصورة الرمزية العماني
العماني العماني غير متواجد حالياً
 عضو فعال
 
تاريخ التسجيل: Apr 2004
المشاركات: 2,856

محمد آل نصار


حياك الله يابوعبدالله وتسلم على المرور

تقبل تحياتي،،،

__________________

رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 05:30 PM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com