هيبة ملك

[محمود هويج ال مخلص]

السلام عليكم

ارحم ارحم محبٍ جاك كله ولك***لاتغلى عليك ولابيكذب عليك

يوم اشوفك تجيني فيك هيبة ملك***كل شيءٍ تحت طوعك واشارت يديك

في غيابك نهاري يصبح اسود حلك***وفي حضورك ظلام الليل لمبت تريك

صوب درب الشقى قلبي لوصلك سلك***فدوتك ياعذاب القلب منك اليك

كم شجاعٍ من اسباب المحبه هلك***وانت عندي رصيدٍ ذاخره وسط شيك

كلما زانت الدنيا يدور الفلك *** ليه تبعد وتقرب بأنتظر واحتريك

ينكشف زيف من يمشي وهرجه كلك***مثل ماينكشف زيف الكلام الركيك

ياحسين الوصايف ليتني من هلك***لاجل اشوفك بعيني كل يومٍ واجيك

كل شخص يتصرف بالوفى لامتلك***وانت سكين غدرك في فؤادي تحيك

ماك عذبٍ فراتٍ بس من ينهلك ***اتفاقي معك في كل شيءٍ وشيك

في كلامك كريم وبالوصل مبخلك***ايش عذرك لضيفٍ مبطيٍ ينتخيك

مصعبك يانظر عيني ويامسهلك***قلبي الي طعنته مارضى لك شريك

لاعرفتك بيوم ولابيوم اجهلك ***ولنتهيت بوصالك من جديد ابتديك

*** سوالم***

[أبو حسنة]

صح اللسانك وإعتلا شانك

تقبل مروري

إخيك :. أبو حسنة

[آلـهَـاوٌيِ]

صح لسانك قصيده رائعه وجزله من رجل جزل

[محمود هويج ال مخلص]

ابو حسنه لاهنت على المرور الر اقي

تسلم وعساك على القوه

[محمود هويج ال مخلص]

الهاوي الجزاله مرورك

لاهنت يالغالي

[بنت الزعبي ..]

السلام عليكم ورحمة الله وبركاته

صباح الخير ..


صح لسانك وبيض الله وجهك

لا هنت ع القصيده العذبه

تقبل حضورى المتواضع

["..عـَـذْبـًة الأطْـبـَآآآآع.."]

.
صح لسسانك

[تركي الميموني]

صح لسانك يا شاعرنا

قصيده جزله

وبانتظار الجديد

[محمود هويج ال مخلص]

المشاركة الأصلية كتبت بواسطة بنت الزعبي ..

السلام عليكم ورحمة الله وبركاته

صباح الخير ..


صح لسانك وبيض الله وجهك

لا هنت ع القصيده العذبه

تقبل حضورى المتواضع

لاهان غاليك تسلمين على المرور الراقي

وعساكي على القوه

[محمود هويج ال مخلص]

عذبة الاطبااااع يصح بدنك

لاهنتي على المرور الراقي