السلام عليكم ورحمه الله وبركاته
راكب اللي من حفيزه مشترينه=جمس شكمانين ماهوسبرماني
كن صوت الرعد نفخت شكامينه=دم الغزال أصقع لونه رفرفاني
صافي قيرن أربع ميه والمكينه=زين جلده لاسرى الليل وغشاني
صوب اللي لاناظرت عيني بعينه=ضاعت علومي ولاعبر ألساني
ويلي منه لاقام وسلهم بعينه=كن قلبي مطعون بحد السناني
كني غريرن بدى بول سنينه=ضعت انا وضاعت اللي في كياني
نورها من نورها أطفا المدينه=غيرها طافي وهي نور المكاني
صاحبي لابانلي صافي جبينه=أشهد أني مانسيته لونساني
من غلاها صار قلبي في يدينه=يامر وينهي وانا له مطوعاني
صاحبي شف قلبي ياليتك تعينه=أرحمه يرحمك الله يامودماني
أن جفيته عاف من باقي سنينه=وأن رحمته نطلب من عطفك لياني
ياوجودي وجداللي ماقضى دينه=ثم تغرب في وجهه شان الزماني
وجد منهو واقفن على الدفينه=ثم بكى هثم دهاه اللي دهاني
ألتفتلي ترا غيرك عايفينه=ردلي علمك وعلمي لك تراني
حبك في وسط الضماير زارعينه=غير حبك ماظهر عندي وباني
وســـــــــــــــــــــــــــــــلامتكم
أخوكم هـــــــــادي الشامري
26-04-2005, 01:10 PM
العرض الشجري