هنـا .. < موادعـك خيـره ..!

[موادعك خيره..!]

.
.
.


الحزين ، اللي طموحه :- يتصـل بـك
لا تضيق إن كان ( دقْ دقه ) وسكّـر !

لا إسألـو عنّـه ، بعـد ماشـح قلبـك
وش يسوي ؟ جاوبو ( قاعـد يفكّـر ) !

إيه أفكّر .. وين تفكيرك وصـل بـك ؟
ما إستحى من كثر ما أخطيت وتشكّـر ؟

قلت له بـ( أنساك ) وبفكره رحـل بـك
خايـف ومرتـاب دونـك ومتعـكّـر !

وقال ( ابنسى ) حبّك ، ووصلك ، وصلبك
وجت فـ. باله كلمة ( أنساك ) وتذكّر !

كنت وافـي يـوم إذا وقتـك فعـل بـك
لو تذوق المر .. صار المـر / سكّـر !

يوم كنت أزعلْك واشـوف الزعـل بـك
وإن سريت أقول مـو كنّـه مبكّـر ؟ !!

وش حصل فيني بْعدك ، ووش حصل بك
ووش حصل حتى ضياء الوقت يتنكّـر !

ودي .. إني كـل لحظـة ، أتصـل بـك
وبس أقول ( إنك على بالي ) وأسكّـر !!