السلام عليكم...
قصيده جديده ..!!
وهي السابعه في قسم صدى المشاعر
مع تمنياتي ان تحوز على رضاكم جميعاً
. .
. .
ياللي تواعدني تلاشت وعودك
بين الغياب احيان ووصالك احيان
آسرتني وانا محلل قيودك
واقفيت عني وتخيّلك الاعيان
من بعد ما ساقيت بذرة ورودك
وبنيت لك في محجر العين مسكان
وسعت في قلبي مواطن حدودك
وارخصت في حبك مباهيض الاثمان
هذا جزااي؟! وفعلتك ماتفودك
تعرف عواقبها على مر الازمان
اما تجيني تعتذر عن صدودك
وعذرك ترا مقبول وان كان ماكان
ولا ابتعد عني ووفر وعودك
ودور وتلقى لك من الناس خلان
كتبت لك ياللي طغيت بجحودك
كتبت لك من زبدة الهرج تبيان
(نسيت دربٍ فيه نقصك وزودك
درب المحبه ما جمع غير الاحزان
نسيت يومٍ بان بخلك وجودك
نسيت دارٍ صوبها سقت الاضعان
نسيتك بكبرك ولا اذكر وجودك
ياللي نسيت وخنت واصبحت خوان)
وسلامتكم
وسامحوني على القصور
اخيكم/صقر الودي
06-05-2010, 03:29 AM
العرض الشجري