[ مشاعــــــر مزعجــــه ]

[سلمان بن ضيدان]

السلام عليكم ورحمة الله وبركاته


بـــدون مقدمـــآت !!


ستجدونـــي فــــي :


(( مشاعــــر مزعجـــــه ))


جميــــع أبيـــآت وقصائـــد ومحاورات سلمـــان بن ضيـــدان ستجدونهـــا هنــآ !!


كونــــوا بالقــــرب !!

[سلمان بن ضيدان]

قلبي اللي منكتب حرفك عليه = يا عسى يلقى مراده فالحياه
أنت مثل العد وأشواقي تجيه = لو يصدّر شي ما يبقى ضماه
مستحيل أشوف لي غيرك شبيه = وإن لقيته قلبي الهايم رماه
دام قلبي منكتب حرفك عليه = والله ان تبطي وقلبي ما محاه !!

[سلمان بن ضيدان]

إنتــــاج قنـــ’ــآة الصحــــ‘ـــــرآء !!

شكــــر خــآص للأخ عبدالله الشامري .. والشاعــر حزام الطريسي !!

[سلمان بن ضيدان]

يقال بأن الأصمعي حينما كان يسير في مكان مر بــ .. القرب من حجر .!
وقد كُتِب عليه :

أيا مَعّشرَ العشاقِ بالله خَبروا=إذا حل عشقٌ بـ ..الفتى كيف يصنع .!

فـ .. كتب تحته :

يُداري هَواهُ ثُم يَكتِمُ سرهُ=ويَخّشَعُ في كُلِ الأُمورِ ويخَضعُ

ثم عاد في اليوم التالي ووجد تحته بيت مكتوب :

وكَيّفَ يُداري والهَوى قاتِلُ الفَتى=في كُلِ يَومٍ قَلبهُ يَتَقطَعُ

فـ ..كتبت تحته البيت التالي:

إذا لَم يَجِد صَبر الكِتمانِ لسرهِ=فليس لهُ شيٌ سِوى الموتَ ينفعُ

يقال بأن الأصمعي عاد في اليوم الثالث فوجد شابا ملقى تحت ذلك الحجر ميتا ومكتوب عليه :

سَمِعّنَا وأطَعّنا ثُم مِتّنا فبلِّغُوا=سِلامي إلى مَن كَان بالوصّلِ يَمّنَعُ
هنَيِئاً لأرّبَابِ النَعيمِ نَعِيمهُم=وللعَاشقِ المَسّكِينِ مَا يَتَجرعُ

ومــــن الحــــب ما قتــــل !!

[سلمان بن ضيدان]

في يوم من الأيام رحت للصرار .. ويوم قدني بظهر منها شفت واحد يأشّر الساعه 1 بعد منتصف الليل تقريباً
وقلت له وين تبي تروح ؟ قال أبيك تودّيني الخفجي .. بعد ما قال هالعباره دريت أنه سكران من كلامه وريحته
قلت لا والله مانيب رايح للخفجي أنا عندي مشوار للرياض <<< طشّشّشّر الحين تامرني بشي قال لا أبيك تودّيني للخفجي
قلت أوكي بودّيك للخفجي .. ومشيت حول 1 كيلو ووقفت عند محطّه وقلت وصلنا للخفجي يالله حوّل
وبعد ما الله فكّني منّه مريت الشاعر محسن بن دهمه .. وقلت له السالفه وصارت بيني وبينه هالردّيه ..

محسن

أنا أشهد أنك صرت يا سلمان من جيز الخبول = يالصاحب اللي لو يفوّح دلته ما زلّها
شلّيت لك سكران تضرب به على عرضً وطول = مدري بعد لو السكارا جايزً لك شلّها

أنا

ثمّن كلامك لا تعيد اللي تقوله يا امهبول = خل الدروب اللي تودّيك المشاكل خلّها
أنا ليا عدّو زحول الناس من جيز الزحول = ولا أنت دربك للمحاقه والدموع اتهلّها

محسن

هذا كلام الصدق يومك منت عارف وش تقول = وأن كان ماهو عاجبك فسيوفنا بنسلّها
الله يجيرك من صواديف الزمان اللي يهول = وأنا بقول لشرطة الصرار وأنته قلّها !!

أنا

يابو مناحي كل شخصً له مرام وله ميول = وأنا على خبرك علومي وافياتً كلّها
أبشر بقول لشرطة الصرار والشكّه تزول = ما دام قسمك فالدقاق آكيد قسمي جلّها

[سلمان بن ضيدان]

القناعه كنز والدنيا عِبر = والجهل في كل قومً . . عيّنه
والرجل لولا الشدايد ما صبر = وأرتكا للكايده والهيّنه
كل جنب إن كان ماهوب العسر = وجّهه صوب الجنوب الليّنه !!

[سلمان بن ضيدان]

كنت أحسب أني يوم فرقاش بنساش = وأثري عجزت أنساش . . وأنتي نسيتي
من وين ما سقت القدم . . حل طرياش = حتى وأنا آقهوي ضيوفي . . ( طريتي ) !!

[سلمان بن ضيدان]

يا غايتي بتصد مانيب راجيك = أنا خذيت من الوله ما يكفّي
يا كبرها كبراه لو رحت وأجيك = ذي عادةً يالزين ماهيب شفّي !!

[سلمان بن ضيدان]

لا مر طيفه ينطق إلسان مغليه = لبآ رموشه . . والجفون . . وعيونه
يمكن لو أنه يلمس الجرح بيديه = يستغرب أن اللي لمسها طعونه !!

[سلمان بن ضيدان]

مدري عشان البعد غيّرت ممشاك = ولا عشان ظروفنا حاكمتنا
هذا ( السفر ) يا غاية القلب وش جاك = ما تدري أنه يقطع مواصلتنا
الله يعين القلب لا حل طرياك = والله يعينه لا طرت مشكلتنا
وما دامها قلّة حلاياك نفداك = إنسى وأنا بنسى معك سالفتنا !!