.....@@(( مع غازي قلم ))@@.....

[غازي الرسمان]

تدري عذابي راحتي كلها فيك
ودي تحس بيوم ويش اللي جاني

ياماسهرت الليل اكتب اناجيك
وبكيت ليلي مير محدٍ بكاني

كل الدروب اليوم تنطر خطاويك
حتى الاماكن كلها والمباني

اشتاق لك يازين وابيك وابيك
واشتاق لك والله كثر الثواني

واشتاق ضحكه من شفايف معاليك
واشتاق لك شوق السفن للمواني

واشتاق لك مافيه زيفٍ وتشكيك
شوقٍ صعب ياصله انسان ثاني

يازين تكفى قول ويش اللي يرضيك
امر تدلل قول واطلب اماني