غابـت عنـي ولا ادري وش حالتهـا..ولا أدري وشلون قلبي بتنـام عيونـه
قلت أقوم أنشـد عنهـا بنـت خالتهـا..عله يرتاح قلـب تلعـب فيـه ظنونـه
صدت عني ما تبينـي أشـوف دمعتهـا..قالت ياولـد البنـت بالعـود مدفونـه
ماتت وغابت بالسمـا أحلـى نجمتهـا..وحزن النجم والقمـر إنخطـف لونـه
ماتت ومات بالحديقـة أغلـى وردتهـا..وبكى الشجـر والزهر قامـوا يرثونـه
وقفت مذهول وزاد بجسمـي رعدتهـا..وقفت صامتن وعقلـي جنـت جنونـه
رحت المقابر علـي اللحـق جنازتهـا..لقيتهـا مكفنـه وقبرالبنـت يحفرونـه
وصلت المقابر ومحـدن فيـه حرتهـا..غير امها وأبوهـا وأخوهـا يعزونـه
شالوهـا يبغـون يحطونهـا بحفرتهـا..وغطوهـا بالتـراب وقلبهـا يدفنونـه
لولا خوفـي مـن الله ثـم فضيحتهـا..لأقـول هالبنـت جسمهـا لا تدفنونـه
إلتفتلي شخص أظنـه مـن جماعتهـا..يقول هالولـد علامـه تبكـي عيونـه
غمضت عيني ماأبـي تنـزل دمعتهـا..بس بان الحـزن والنـاس يشوفونـه
وإنزلـت دمعـة مـن قـوة حرارتهـا..احرقت خـدي وخلتـه احمـرن لونـه
قلـت انـا اللـي روح روحـي فدتهـا..قلت انا مـن روحـي وقلبـي يفدونـه
قلت انا مـن تركتنـي وحيـد بدنيتهـا..وانا من عشقها وحبهـا دايـم يصونـه
أحبها واسالو عين ياكثـر مـا بكتهـا..و اسئلوا كل هالبشر و هالعالـم وكونـه
أبيات شعري ياما و ياما تغنتهـا..تقول أبيـات شعـرك قلبـي يطربونـه
من لام روحي علـه يعيـش حسرتهـا..ويعيش طـول الدهـر تبكـي عيونـه
يـا لايميـن قلبـي شوفـوا صورتهـا..بعدها تبون تلومونـه لكـم تلومونـه
ما أبي غيرهـا أبـي أسعـد بضمتهـا..ماأريد غيـر قليبـي تنجلـي حزونـه
فوق قبـر هالبنـت تعالـت ضحكتهـا..ياعسى قبرالبنـت بالسمـا يرفعونـه
لعنبو عين عقبك مـا تنحـدر دمعتهـا..ولعنبو خلقن كان إسمك مـا يطرونـه
لعنبو روحـي كـان تكتمـل فرحتهـا 00 ولعنبو الحزن لو فارق يوم بسجونه
روحي فقدتها ودمـوع عينـي رثتهـا..بأبيات شعر مكسرة ماهـي بموزونـه
يالله يا كريم تغفـر لهـا كـل زلتهـا..وتغفرلها ذنـب كـل المـلا يقترفونـه
يا كريم إجمعنـي بهـا بجنـة عدتهـا..حج البيت والصيام وخمـس يصلونـه
يا ليتني ساكن اليـوم بوسـط حفرتهـا..وروحي بجنب روحها اليـوم مدفونـه
22-09-2010, 05:02 AM
العرض الشجري