جزل العطايا ..!

[خالد بن رمثان]

السلام عليكم ورحمة الله وبركاته

صلوا على النبي ..

بسم العظيم منزّل القرآن=أبدى قصيدي و أنتقي الألحان
شعرٍ جزل من شاعرٍ له كيف=و ما يبني أبياته بلا سيسان
بركب على مهرة هجوسٍ حي=و أرقا بها في عالي الضلعان
و لامن رقيت وجيت فالمرقاب=بقول يا شعري لك الميدان
ما دام حرفك ما عليه غبار=وجه بيوتك صوب ابن رمثان
جدي شبيب اللي مع طاريه=أطنخ و راسي يعتريه جنان
وأشوش و أفخر فيك لا طروك=و أنت الذي من خيرة الشيبان
شبيب أبو فيصل عريب الجد=عطيفي و خواله الجوفان
و إليا تعزوا خيّر البلها=أبحذف الغتره و أنا طربان
شبيب راعي البل و ذا معروف=اللي توارثها من الجدان
شبيب يا رجل الوفا و الطيب=شبيب يا ثقلك على الميزان
شبيب يا ذكر الشرف و العز=ياللي تنومس ربعك العجمان
و ياللي ليامن قال قد القول=طويل شبر و صاحبه ربحان
و كلمة كفو تاتي مع طرياك=و الكايده في عينك النيشان
فعلك شرف يا كاسب الجزلات=لا قالو الميدان يا حميدان
سيفٍ مجرب فالليال السود=وقفات جودك ما حصاها لسان
يبشر بعزه من تعزوا فيك=أنشهد إنه ما رقد عمسان
و أنشهد إنك فالكرم همال=مثل السحاب تسيل الوديان
تعطي / و ما تنشد عطيتك كم ؟=لنـّك كريم و للكرم عنوان
يا كم فقيرٍ حالته لله=مديت له و أقفى و هو شبعان
و يا كم يمينك ساعدت محتاج=خافيه شين و من يمينك زان
جزل العطايا ما تعرف الشح=يا معلق الخرفان و القعدان
ديوان بيتك عامرٍ مفتوح=منصى النشاما مدهل الضيفان
و الطيب الأزرق ما يوقف لين=يشتم ريحه قاصي الجيران
و فنجال دله كايف و ينساق=صوب القروم فـ / دلةٍ رسلان
و حكيم راي و فالفعل مطنوخ =ذرب الخصايل مروي الظميان
و أبيات شعري عاشت النوماس=في مدح من تزهابه القيفان
وأنا ولد مانع حميد الصيت=و إبي حصان و ظاهر من حصان
اللي من أوصافك خذا الأوصاف=يالله عساه فجنة الرحمن
و يالله عسى عمرك طويل الباع=و جعلك ذخر يا بيرق الرمثان
و والله ليامن قيل أبو فيصل=أطنخ و أماري فيك يا كحيلان

وسلامتكم