عبرة شمالي هيّضه طاري الشرق = واقبل كلام العين عشر وثماني
شرقٍ نجوعه مير ضيّعت للطرق = تعبت اعرْف دروبها والمكاني
دايم واجاوب وان جفا نايح الورق = والليل اناجي به سهيل اليماني
اشكي واشاكي واشتكي من سرق سرق = عقلٍ رزين وماحمتْه المحاني
له وحشةٍ وان غاب تسري مع العرق = سبحان ربي غيرها ماسباني
ريميّةٍ بين العذارا بها فرق = فرقه فروق شهورها ورْمضاني
ومزون شوقي بالخفيّات له برق = لاغاب براقه يداعب لساني
اهْذي بنزفٍ منبعه من طِرِق طرْق = قلبٍ وطراقه زعيم الحساني
عيّا يبلّ الريق ويطفّي الحرق = واذا سالته وينكم قال ماني
منْعه كما رمْحٍ زرق للخفا زرق = حمله سحر خلاني اشكي واعاني
وافي
21-06-2005, 02:31 PM
العرض العادي
