قصيده في الشيخ / محمد بن منصور بن منيخر(أمير هيت)

[الأسد]

القاف وإن ما طاعني طاع معسوف=نوادره وسط الضمير إمعسوفه
لو أكتب الأشعار بأنقاط وحروف=ما أوفت نقطها لي ولا أوفت حروفه
لو كان نظم أبيوتها در مصفوف=در(ن)يشوق الناظرين بصفوفه
ولو القريحه هاضت أمداح وأوصوف=ما جادت بمدحه ولا في وصوفه
في مدح أبو فهد لو الشيخ معروف=شيخ(ن) فعوله للنشاما أمعروفه
حكيم زلة صاحبه عنده أتطوف=وزلة عدوه دائم ما تطوفه
هيهات يدخل قلبه الذل والخوف=ومن جاه خايف يمن الشيخ خوفه
له فزعة(ن) تشهد لها الناس وأتشوف=اللي سمع بالفعل واللي يشوفه
يلين للأقراب ويحن ويروف=فيه الشهامه والكرم والمروفه
مؤمن وثلث الليل يرفع له كفوف=خاشع ودمع العين غرق كفوفه
كريم لو يملك ملايين وأولوف=ينفق ملايينه وينفق أولوفه
كفه كما سيل(ن) مع الواد جاروف=شال الهيال وما زما من جروفه
اللي لوجه الله يا ناس مخلوف=وما تنفقه يمناه جات أمخلوفه
يجود من ماله بلا من وحسوف=ولا يلحق النفس العزيزه حسوفه
للبر والإحسان والصدق مشغوف=نفسه علي فعل االجمائل شغوفه
جالس بديوانه ولو عنده إظروف=من شان فعل الطيب يترك ظروفه
في مجلسه دائم مسايير وضيوف=يكرم مساييره ويكرم ضيوفه
يفداه لاش(ن)قال مانيب مكلوف=أصك بيباني ولامن كلوفه
لو حط فالمجلس زوالي من الصوف=لا صار ما يدهل كلا العث صوفه
لو كان عنده مال عيشته بكسوف=عائش علي الدنياء حياة الكسوفه
يتبع ملذاته حريص(ن) وملهوف=وكبده علي هرج النميمه لهوفه
مهذار فالمجلس وعي(ن) وملقوف=عي(ن) علي ربعه ونفسه لقوفه
وأليا نهرته صاب به أخفاف وإرجوف=قلبه من الروعه تصيبه رجوفه
خطرن عليه يطير من داخل الجوف=ولا تمسكه الأضلاع في وسط جوفه
أنا أشهد إنه ناقص العقل مهروفه=ونفسه علي الدنياء تجيك أمهروفه
والله من هم(ن) يلوف الفكر لوف=خمسة عشر ليله همومه تلوفه
زورق ويومي به علي اليم عاصوف=موج(ن) وظلماء والهبوب أمعصوفه
يوم أرتكي له طور والهم محذوف=بأمر الولي كل الهموم أمحذوفه
كساني المعروف في بطن معروفه=أموت وأحيا ما نسيت أمعروفه
يا الله عساه أمجار من كل صادوف=تكفيه من شر الزمان وصدوفه
صلات ربي عد ما هلت أقنوف=علي النبي وإعداد بارق قنوفه

[سعد محمد ناصر]

تسلم لاخ لاسد على الشعر الطيب فى وصف الشيخ محمد بن منصور بن منيخر

[الأسد]

سعد محمد ناصر
الله يعطيك العافيه ومشكور علي الرد لا هنت

[فلاح ال مخلص]

السلام عليكم



الاخ الشاعر بن منيخر




صح لسانك ياجزل




عزالله انك شاعر متعدي من غير حاجه لشهادتي





ومتقن كل حرف تسطره



دمت بكل الود



اررررررررررررررررررررررررررررررررررررررررررررررررر ررررررررحب




اررررررررررررررررررررررررررررررررررررررررررررررررر رررررررررحب





ونعم بك وبامير هيت





والنعم بال سفرااااااااااااااااان كلهم اهل الخيل الاصايل







معروفين وافعالهم ترفع الرااااااااااااااااااااااااااااااااااااس




وانت وجودك معنااااااااااا بالمنتدى له مكاااانته وجززززززززل




جزززززززززززززززززززززززززززززززززل





ولا تحرمناااااا من جديدك




وانااااااااااااا كلمتك وتقوووووول انك مشغووووووووول شوي




ترااااااااااااك والله خسااااااااااااره على المنتدى واللي يعشقون القصيد الجززززززززززززززززززززل




سلم لي على امير هيت

[فيصل بن حجرف]

صح لسانك ابو محمد على القصيدة الجزلة
ويستاهل ابو فهد الله يطول بعمره

[العماني]

صح الله لسانك على ذي القصيدة الجزلة ويستاهل الشيخ محمد بن منصور البيضا.

تقبل تحياتي،،

[الرازي]

لاهنت لاهنت لاهنت

صح السااااااااااانك


بصمه شعريه قويه .....وثوره من إلابداع....

من جد ابهرتني بما كتبت .....فسلمت وسلمت أناملك....



ويستاهل الأمير هالمدح كله


تحياتي لك
الرازي

[جميل بن زريع]

بسم الله الرحمن الرحيم

اخوي الشاعر : الاسد ...

صح الله لسااااااااااااااانك .. والله لايهينك ..

قصيده جزله ومن شاعر جزل ..

كفيت ووفيت .. وبيض الله وجهك ..

سجل اعجابي ............. وتقبل تحياتي ...................

[بن شقران]

صح لسانك ويستاهل ابوفهد وياريت يالاسد اذا كنت تحفظ لبو فهد شي لاتبخل علينا وخصوصا قصيدته فالامير سلمان الي قبل كم سنه