خذها مني .. لاتجلس لحالك

الخريف · #1 28-06-2005, 03:52 PM

ذيك الليلة من هذيك الليالي اللي راحت ..
وجعلها ماترجع أبد .. عانيت المرارة اللي انفقعت بوسط بطني ..
أهلي جحدوني وراحوا الملاهي .
وصرت أردد :
جالس في حالي .. والهوجاس في بالي .. ألا ليت يامزنه تنقلعين عن خشتي .. لعل وعسى ترجع أحلى أيام زماني ..
ووصلت اني اردد أقول الخ الخ الخ الخ مالقيت شئ أقوله ..
رحت للمجلس وأجلس بصدره وأمد رجولي كأني شايب الركب لاعبتن بحسبته وأسولف ومااحد حولي ونفس الشئ كأني شايب بس مهوب لاعبتن في الركب هالمرة بس ضاربتن فيوزه منتهي ..
مليت والغربان تزاعق في بطني من الجوع ..
صدق من قال الجوع كافر وازيده انه يهوودي وماعنده احساس وضمير ..
قلت مابدهااااااش ... يمدحون الشكشوكة ..
ماادري وش المسكة على الشكشوكة بس اهم شئ انه ينوّكل ..
رحت للمطبخ .. وفتحت الغاز ..
ورحت قطعت الطماط والبصل ..
وقمت أغني جبتها على جرح كأنك مادريت ..
لعنبوها حالة خست من هالبصل ياربيييييييييه ..
ودموعي تهّل على خدودي أربع أربع ..
يوم خلصت وجيت بأسوي الشكشوشة ..
تذكرت اني ماشبيت على الغاز .. جبت الولاعة .. وأولعها ..
BoOoOoOoOoOoM ............................
الا انا انقلبت خشتي كأنها فحم .. وشعري محسحس ..
والنيران قابّه في المطبخ .. رحت طمرت للمخزن بأجيب جركل ماء ..
وأشيل أقرب جركل وأشيله .. وأصبه .. والنيران كلما تزيد من اللي أصبه ..
وأنا أنهبل في مكاني ..
صار هالجركل .. جركل بنزين .. اخوي حاطه وأنا مادريت عنه الا بعد ماشميته ..
وأجي أنحاش من المطبخ .. والنيران تلاحقني كأننا نلعب مطارده ..
صار الجركل بيدي من الذراقه نسيت اني ماسكه ..
وهو يتناثر في مكان انحاش فيه .. أخر شئ قلت أرميه ..
ومن رميته تناثر على ثيابي وتوّلع فيني النيران ..
وطلعت من البيت رحت لبراحة جنب بيتنا وماغير اتمردغ فيها كأني بعير(ن) أجرب لما طفت النيران ..
ومادريت الا كل البيت قابع محترق ..
وأتصل على المطافي لعل وعسى يلحقون على اللي يلحقون ..
بس مثل عوايدهم ماعندهم ماعند جدتي ..
ماوصلوا الا البيت رايح(ن) في خرايطها ..
وكنت جالس على عتبة الباب وألعب في السبحة وحالتي حالة احتريهم ..
يوم وصلوا .. قالوا فيه احد متصل على المطافئ ..
قلت لا كنا بنطلب بيتزا بس أخطينا برقمكم ..
وماعاقت معهم مشوا وراحوا ..
وأجي أركب سيارتي وأشغل هالاغنية ..

وقمت نزلت أستنزل رقص شوي .. وانحشت قبل مايرجعون أهلي ...

وسلامتكم ..

العبرةالحائـرة · #2 28-06-2005, 06:38 PM

خخخخخخخخخخخخخخخخ

الله يكون بعووووونك ,,, بس صج ولالالالالالالالالالالا

الوتر الحزين · #3 28-06-2005, 07:01 PM

ههههه
الله يعينك
بس صدق ولا لاء ؟

النرجسيه · #4 28-06-2005, 07:03 PM

ههههههههههههههههههههههههههههه

احلى شي المطافي اخر من يصل

ليالي · #5 28-06-2005, 08:19 PM

هههههههههههههههههههههههههههههههههههههههههههههههههه ههه

الله ياخذ ابليسك

الخريف · #6 29-06-2005, 07:49 AM

هلا اختي المهاجره

لا مو صدق

مصدقه انه حصل

خخخخخخخخخخخخخخخخخ

يعطيش العافيه على المرور

الخريف · #7 29-06-2005, 07:51 AM

الوتر الحزين لا مو صدق

هذا من نهج الخيال

ويعطيك العافيه على المرور

الخريف · #8 29-06-2005, 07:53 AM

عجميه كول اتوقع ان راح يحصل لك

هذا الموقف

<<<<<<<<< يعرف انك ماتعرفين تطبخين

يعطيش العافيه على المرور

الخريف · #9 29-06-2005, 07:55 AM

ليالي ابليس ماله دخل في الموضوع

خخخخخخخخخخخخخخخخخخخخخخخخخخ

يعطيش العافيه على المرور

ومبروووووك على التوقيع

صراحه ماعليه كلام الله يعطي مجاريح العجمي العافيه

وتستاهلين الزين كله

السلاطين · #10 29-06-2005, 08:01 AM

دموع الشوق

بصراحة أنت كثير الحركـــة

وأتوقع تصير معـــاك