سلمان بن ضيدان .. راكـان بن بدن ( شاعـر العرب ) !

[سلمان بن ضيدان]

.. السلام عليكم ..
حبيت أقدم لكم رديـه بيني أنا والشاعر :- راكان بن بدن السبيعي ( شاعر العرب ) !
أبو محمد شاعر خلوق ومبدع وشهادتي فيه مجروحه ويستاهل كل خير ..~


سلمـان بن ضيـدان :-

( الشعر بين يديك مشوي ومطبوخ ) = شطرً لإبن راجس ، بَقوله وقاله
قريحتك باقي لها شوي وتنوخ = من كثر مافي بطنها من جزاله
عندي يقين إنك ليا عشت مطنوخ = بتموت مطنوخ ً عريب السلاله
شيخ ً وريث شيوخ وتداحم شيوخ = وأنا أشهد أنك قدها ( لا محاله )
صياغة أبياتك تخليني أدوخ = فيها من الإبداع ما لا نناله
ماهوب منقولً ولا هوب منسوخ = بالعكس شعراً نبتهج من جماله
واشعيل مهما صار ماهوب صاروخ = لو مشرب الهداج كله صفاله
دام الجرَب في شقّة اشعيل ملطوخ = حنا معك بنقدّم الإستقاله
الله يخلي للشعر لابس الجوخ = اللي سبيعً ما تدوّر بداله

راكـآن بن بـدن :-

عدّيت في رجمٍ بسمّيه شمروخ=كم واحدٍ لاضاق باله عناله
لانيب لاضايق ولانيب مصموخ=ألا على سلمان اردّ الرساله
خط العليّا غير عن خط صلبوخ=وجيب القرمبع غير جيب الوكاله
وباب القصر ماهو مثل مدخل الكوخ=مثل الذيابه فرقها والثعاله
كم واحدٍ راسه من الكِبر منفوخ=وهوْ بالحقيقه مايساوي رياله
اشهد شهادة حق والكذب ممسوخ=انك تحوش الطيب قدر وجماله
ومن لاشهد راسه من العقل مفصوخ=عاله ويبقى وين ماراح عاله
عاقبتني يا اخوك في قافية اوخ=لكنّ فكري كل جزلٍ يناله

[» ά6L8ħM]

لله دركم


مو كلٍ قصيد قصيد ولآ كل بيت يشدَ آلقآإري له وآنت يآ سلمآن كل بيت لك يشّد



صياغـة أبيـاتـك تخليـنـي أدوخ
فيهـا مـن الإبـداع مـا لا ننالـه


^

ذآإ المفروض ينقآل لك



صح لسآإنكمٍ !

[سعد سعود]

^
^

عز الله صادقه

وحجززز يابو ضيدان

[العــــديم]

صح لساانك ولساانه
قافيه صعبه
وابدااع من الاثنين

ابوضيدان هذه القصيده تدل على
ابدااعك في النظم
لمااذا انت مقصر فيه ؟



لاهنت
وتقبل مروري

[سالم الرتيبان]

صح لسانكم

راكان شاعر جزل وشهادتي فيه مجروحه

وانت يابو ضيدان شاعر مبدع وتنومس في كل محفل

سجل اعجابي بهذا النص الفاخر

[محمد ضرمان الشولاني]

صح السانك يا سلمان بن ضيدان وصح السان راكان بن بدن

امتعتونا بالقصيد الطيب يالذيابه

تقديري،،،،

[(سعد بن محمد)]

الله الله

صح السانكم جميعااا

ولاهنتو

[عَشّــاقْ آلصلَــفْ !]

بو ضيدان رديه من أفضل الرديات
وأقسم بالله انها اعجبتني مثل ما يعجبني آداءك لا من جاك بيت فتل قوي ههههه
تقبل مروري واسمح لي بتكرار المرور ثاني مره

[محمد العزام]

بوضيدان

حيه و حيٌ ما جاب ..



محاوره فآخره

و لاهب غريب عليك الابداع

و الشاعر راكان بن بدن غني عن التعريف ..


الله لا يهينكم ..


دمت بحفظ الله

[الــــســنـــافــــي]

الله الله

صح السانكم جميعااا

ولاهنتو