.... من يغيب غرور / عمره [ لايجي ]

[HتـلاNـي]

تحولت/ بسمة صباحي تناهيد

ما كنها الا بالضلوع ا/محفوره

اقول لا كبرت على /شاسع البيد

الضيق بلوى/ والصدور ا/ معذوره

في محجر عيوني ملامح تساويد

وضاقت على نفسٍ من اول صبوره

كم فرحةٍ /تقتل/من بعيد/لبعيد

وكم بسمةٍ فالبال بس ا/مهجوره

الدمع /يخلق في عيون /المواليد

ماهو غريب/ ان جاء للايام دوره

خلوني/اطلق عبرةٍ حزها القيد

وسط المحاجر/ من زمآن ا/محشوره

بهز /من صدق المشاعر جلاميد

ما ارتاح لين اخذ مع الحزن /صوره

تعدت الشرهه /حدود المنآقيد

لو كان دمعي / قدم الاجواد عوره

[HتـلاNـي]

تدري وش أصعب شي لا صرت مشتاق .,. إنك تقّفي منه والشوق يبقى

تغيب شمس وتنتظر لحظة إشراق.,. وتهل عينك كل موّحيت ورقى

وأنا خذيتك شوق وأهديتك أشواق .,. وعروق قلبي من تغلّيك حرقى

الله من عينٍ بكت حزّة إفراق .,. وعزاه يا قلبٍ شكى هم فرقى

يا شينها درب المحبين لا ضاق .,. واللي مشى درب الشقى ويش يلقى

يلقى الحزن ما بين نونه والأحداق .,. ينزل على متن الغبينه ويرقى

دام إستهان العزّ بعيون الأفاق .,. لا راح راس المرجلّه ويش يبقى

الذنب ذنب القلب والعين والساق .,. وأنتي إذنوبك بين الأضلاع غرقى

أنا أرتويتك ودّ من دون ميثاق .,. وأنتي مشاريهك على القلب خرقى

واللي بداني حبّ وأنهاني فراق .,. ذنبه عليه وراعي الذنب يشقى

يموت غصن الودّ وتطيح الأوراق .,. مدام بيبان التجاريح دلقى

يغلا من الدانه على كفّ سرّاق .,. وأحن من هب النسانيس وأنقى

والله مخون الودّ لوّ الردي باق .,. ألا أن تخون بروق فرسان برقى

أنا شربت العزّ في رضعت أفواق .,. واغوص في بحر الجيزلات وأنقى

غلطان من عينه للأنذال تشتاق .,. ورجلٍ يهين الراس في حب طرقى

[HتـلاNـي]

تمنيت الفرح يآخذ من احلام المسا .. طاري

و ياخذ من عيوني ليلك اللي طال .. و الصوره

احاول .. كل ما طال السهر .. انساك بـافكاري

و اذا بان الفجر تضحك على النسيان .. عصفوره

تنام انت .. و مكانك بين صدري و الحزن .. عاري

سترته بـالحنين و عتمة الذكرى و ديجوره

تخيل لين نمت انت .. و بدى للصبح مشواري

اسجّ و لكن احزاني تجي للقلب مآموره

تخيلتك تجي و تبشر عيوني .. عن اخباري

عن اللي في خفوقك تاركه ما مل من جوره

اضمك في يميني / تنبت اوهامي على يساري

و يذبل فـالوهم .. بارق وصالك و ارتجي نوره

حبيبي .. لا تحسْب اني نسيت الوعد يا ساري

و انا اللي كل ما ترحل [ آماني ] قلت .. معذوره

انا يكفيني اني يوم احبك يـأجمل [ اقداري ]

عطيتك خافق ٍ عمر الهوى ما هدّ له سوره

[HتـلاNـي]

هات الجروح .. اللي من ايام .. و اعطيك ..

جرحٍ في صدري .. ذا له سنين .. منسي ..

و إكتب .. على كراسة العشق .. ماضيك ..

و بنقش .. على رزنامة العمر .. حدسي ..

إن ما شفع لك .. أولك .. هات تاليك ..

هاته .. و أنا آخذ .. من مراحلْك .. درسي ..

حاولت أعدّي .. يوم عدّت .. خطاويك ..

لكن .. تعدّت خطوتك .. وسط غرسي ..

الله أكبر .. ضاقت النفس .. تدعيك ..

وشلون عافت .. نزف الاقلام .. طرسي ..؟!

هات الجروح .. اللي من ايام .. و اعطيك ..

جرحٍ قديمٍ .. ذا له سنين .. منسي ...

[HتـلاNـي]

يساورني يقين ان انتظاري والتعب مخلوف

وأعشم خاطري في حلمٍ ابطي ما تحلمته

واشكك في اتجهاتي واطمن خاطرٍ ملهوف

على اللي من ورى عوج الضلوع الحدب ساومته

أقاوم وادري انه ما يقاوم واتعب السرجوف

واسج مع السحاب شوي واشعر فيه لو نمته

يكون اقرب من احساسي بصمته واقرب من الشوف

ويكون احيان اخف من النسيم اللي تنسمته

غمام من الامل لا هوب لا مرئي ولا موصوف

يحطب من الضلوع وليت اعرفه لو تقاسمته

لمستك في عيوني واستلمتك واحتواك الجوف

وصوتٍ ينتهك صمت الكلام اللي تكلمته

يضيق الحرف في حرفي ويعبث حرفي المكسوف

أفيق ويغتشيني عطر مدري كيف قاومته

تكلم واحسبه قبل يتكلم بالكلام حروف

سكرت بهرجته واا الذي ثملان في صمته

خذى مني ثواني وابتدى مني شعور الخوف

وانا اللي كنت احسب الضلع يزبني ولا لمته !!

[HتـلاNـي]

والشتات اللي يرافقني تقل زحمة مدينه
................................. صبحها عيد .. وأماسيها : مواعيد .. و .. هدايا

قاعد لحالي .. ألم الحزن .. وآرتب سنينه
.................................اوصل اسوار المدينه .. والوجل : وسط القرايا


مكتئب منّك .. وليلي ليل .. وجروحي دفينه
........... ......................واحلم انّك وحده انجنت وجت تشعل معايا :


زاويه >> كانت تشابهني .. وتشكي لي حزينه:
................................. وينها ؟؟ وآقول مدري إسألي عنها الزوايا


افلتني .. وإلطمت حزني .. وسال بلا سكينه
.................................للغموض اللي يعذبني .. ويرميني بقايا


ليه ياعيوني .. تحديني .. على الشوق وحنينه
.................................واندفن بين السكوت المر : أشلاء .. و .. شظايا


ينفجر دمعي .. وهم القلب مابيّح كنينه
.................................والأمل احيان مايأتي على حسب النوايا


اغرس امالي .. واشوفك حلم .. واكبر الغبينه
.................................كل ماعّزت محاصيلي .. ونادت لك ظمايا


اخطفيني من شماليي ابلقاني رهينه
.................................في شذى ورد السوالف منك ياعطر الصبايا


قولي لبعض المواجع بس .. لا لا تاخذينه
.................................شاعري .. تنهيدته قشرا .. وأماله سبايا


يابرنسيسة بنات الفكر والفكر وبنينه
.................................معك يازين القصيد وفيك ياكثر الحلايا


عبريني فيك طفلٍ يعشق الاشياء بعينه
.................................واتركي لي عيونك الخدره .. ويديّنك عرايا


نبحر الليله بلا ساحل .. ويامال .. و .. سفينه
................................. مبطي آجدّف تناهيدي .. على بحر الحنايا


ودي اغرق فيك .. وانجو منك .. وأغرّق مدينه
.................................ماسهرت لااجلك ولا ليله وعزت بالعطايا


وانسى معك العمر والتنهيد وجروحٍ دفينه
.................................واصدقاي وناسي الاقراب ووجيه اخويايا

[HتـلاNـي]

أسهل الحزن .. دمعٍ .. لا رمشنا هما

................................ وأصعب الحزن .. دمعٍ .. نرمش .. وما يطيح

ليتني .. في الفراق .. أبكم واصم وعمى

................................وانتهي .. معك .. قبل مفارقك .. وأستريح

كنّك .. الغيم .. في كفّي .. وكفّي سما

................................وفـالمدى .. كنّي اسمع .. صوت .. خطوات ريح !!

اكره إني أفارق .. وأكرهك .. كلّما

................................جبت .. طاري .. ( فمان الله ) و ( الله يبيح )

وادري .. إني بَعَدْك .. من الظمأ .. للظمأ

................................وأنت تدري .. وأنا ادري .. ليه احسّه صحيح !

الأماني .. قصيرة .. لو نمى .. مانمى

................................وان غدت .. شوك .. في كفّينك .. ومات شيح

وقتها .. قم .. تولّم .. للوداع .. إنما

................................لايروح الكلام .. مسامحات .. ومديح !

خلّنا لا احتمينا .. والفراق .. احتمى

................................نشبه الشمع .. في نفسه .. يشبّ ويسيح !!

أصعب الحزن .. دمعٍ .. حام .. حول الحمى

................................من وأنا صغير .. لكن .. ما أوشك انه يطيح !

[HتـلاNـي]

يمرّ الغيم ، وأفتح عيني ، وآجرّه

الين ْيحك جرحي وأبكي احساسي

وأوادع كل راحه وأرجع اتشرّه

على ثقل القرار وما صنع باسي

لأنّي ما فقدتك لو ربع مَرّه !!

انا يوم افترقنا فاقدٍ ناسي !!

أحس بـ( لا شعور ) ولسعة الحرّه

ولكن لا ذكرتك وانت متناسي ...

... هذاك اليوم ، كنّي بالعٍ جمره

اغص آبعتذر لك ، والبلا ياسي ...

... يقول انسى القضيّة واكفني شرّه

مثل ما ذقت كاسه عبّ له كاسي

وأنا مقفي ، وأشوف الموت !! وآجرّه

وأطيح بـشوق ، وأرجع وألقط انفاسي !!

تقل كنّي يتيم يعانق الحسره

بعد ما رحت وانت مكفّن احساسي !!

فمان الضيق . روّح . والوعد بكره ،

مصير القاسي ايعتّب ثرى قاسي

وانا ما عادني شفقان عالنظره

انا شفقان عقلي يرجع لـراسي !!

[HتـلاNـي]

[/center]

مريت بك مثل انكسارك !!و صابر ؟!!....................

....................لهفتك ممنوعة !! و صمتك شبابيك !!..

مريتني صوتٍ يهز المنابر ......................

....................و أمر بك صوتٍ في حلم بـلياليك ؟!!

: يا غيبته .. ليه استفز المحابر ؟؟....................

....................: يا قسوته .. قولي له : ارفق بـمغليك .

لا تسد في درب الرجوع المعابر....................

....................مّهّد طريق الشوق ؛لـأجل أقدر أجيك

قربك وطن والبعد درب المقابر .....................

....................لا تدفن احساسي إذا مات يبكيك ..

طبعي كذا حتى في جرحي أكابر....................

....................قلبي ملك و جروح قلبي مماليك

حبي مهو نزوة ولا حب عابر....................

....................مشاعري خرساءو ودي أناديك

( جيتك من الحرمان )في وقت غابر....................

....................لا تردني له .,منحرم منّك وفيك

[HتـلاNـي]

حالياآ

منوو يتحدى !