السلام عليكم ..،
السلام عليكم ورحمة الله وبركاته
قصيده من أروع قصائد الشاعر ][ حمدان المري ][
يمر يوم وكل يـوم يمـر أحـس أنـي حزيـن
أمسي على ضيقة صدر وأصبح على ضيقة صدر
قالوا الفرج عقب الصبر قلت الصبر هـمٍ دفيـن
قالوا الوفي طبعه وفي قلت الزمـن كلـه غـدر
قالوا الصدف قلت الصدف ماعشمت طول السنين
قالوا القدر قلت القدر من اللي يـردك يـا قـدر
قالوا الامل قلت الامل مثل السراب اللـي يبيـن
قلت للعهد وانا على المطـلاع وسـط المنحـدر
قالوا تشوفه قلت اشوفـه فـي حلـوم النايميـن
اصحى على شوفه وانا خدران واصحى واخـدر
قالـوا وش اللـي تذكـره اذا تناولـك الحنيـن
قلـت التنهاتـه اذا طـروه الـدمـع يـحـدر
قالوا يخونـك قلـت انـا ياكرهنـي للخاينيـن
لو خاني ضاع الوفـا فـي النـاس الا مانـدر
قالوا نسيته قلت واللـي لحـن المسلـم جبيـن
ماانساه كود الناس تنسى الليل ومطـلاع البـدر
قالوا كم اللي راح من عمره شقى قلـت سنتيـن
عامين وانا اغـرب الخطـوات والقلـب يحـدر
قالوا الكدر ويش الكدر قلت الكدر مثل السجيـن
ان عاش في سجنه كدر واذا طلع عـاش الكـدر
قالوا سواتك وش يسـوي قلـت بيـن الحالتيـن
اما توفى من غبـن والا قضـى عمـره هـدر
10-11-2010, 02:28 AM
العرض الشجري