لا تغرّك ضحكتي مع وجهي المتعافي ( جديدي )

[نايل الظفيري]

السلام عليكم ورحمة الله وبركاته







كل عام وانتم بخير , اخواني متواضعه لها شرف مروركم

الشعر طير ٍ كفخ فينـي وريشـه وافـي
يوم غيري يحّسب إنّـه وزن مـع قافيّـه

والصدر مركب مواجع والحزن مجدافي
كل ما ضاق الفضا تبّحر همومـي فيّـه

في محيط البوح هوبلّت الشعور الخافـي
قلت أجرّ الصوت والشرهه على النفسيّه

لو تموت آحلام عمري ما تموت أهدافـي
في عيوني دامهـا علـى الأمـل مبنيّـه

يا معوّدني عليك أسهـر وجفّنـك غافـي
ليه تقسى ! وانت قلبـك ممّتلـي حنّيّـه

لا تغرّك ضحكتي مع وجهـي المتعافـي
والله إنّ النار من جمّـر المفـارق حيّـه

القهـر مـرّه تحـب ومرّتيـن ٍ جافـي
والبلا لا صرّت أنـا مابيـن ذي و ذيّـه

كيف تهّجرني وانا اللي في غرامك صافي
كيـف تجّمعنـي وتنّثرنـي هنـا وهنيّـه

أذّكر إنّك قلت وش يعّني لك الأنصافـي
قلت هذا شئ مـا شفّتـه معـك موليّـه

وإنت تدري عين تفرش لك وعين ولحافي
غير لا ترهي بشمّسك عقب ذيـك الفيّـه

[متذوق شعر]

لو تموت آحلام عمري ما تموت أهدافـي
في عيوني دامهـا علـى الأمـل مبنيّـه


ياسلام والله ابداع وكل بيت ازين من اللي وراه

صح لسانك وعتلا شانك يانايل

[خالد بن رمثان]

في محيط البوح هوبلّت الشعور الخافـي
قلت أجرّ الصوت والشرهه على النفسيّه

لو تموت آحلام عمري ما تموت أهدافـي
في عيوني دامهـا علـى الأمـل مبنيّـه

يا معوّدني عليك أسهـر وجفّنـك غافـي
ليه تقسى ! وانت قلبـك ممّتلـي حنّيّـه

لا تغرّك ضحكتي مع وجهـي المتعافـي
والله إنّ النار من جمّـر المفـارق حيّـه


الله و أكبر على هالإبداع يالظفيري نايل

من أفضل ما قريت لك للأمانه

طرق جميل ، قاف ممتع ، ترابط فكري

صح لسانك و فإنتظار جديدك هنا ..

[خالد العجمــي]

نائل الظفيري صباح الخير

أعلم أن النقد يوجع ولكن الحق يقال حتى لو تم حظر ومنع من يقول الحق وهناك من يجامل على حساب الشعر وعلى حساب حب الخشوم ... ولكن لن أتنازل عن مبادئي أبدا لو طردوني مليون مره ...
هل تعتقد أنك أشعر من ناصر البرغش ومع ذلك هو أخطا وقلت له خطأه ولم أجامله .. وانت أقول لك مليون مره ليس الكلام المصفف والكلمات الرنانه شعر لا ولن تكون شعر أبدا ..
بحر القصيده الي كتبت عليه هو بحر الرمل الرباعي ولم تجده وتفاعيله هي :
فاعلاتن فاعلاتن فاعلاتن فاعلاتن === فاعلاتن فاعلاتن فاعلاتن فاعلاتن .

انصحك بلحن الشاعر المميز والعلم الشاهق سلطان الهاجري واوزن على بحر الرمل الرباعي ..

يالحـون العـود والا يامجاريـر الربابـة***إختلف معنى القصيد وضيّـع الفنـان فنّـه


واذا تريد اضرب لك مثال عليك بأغنية .. أسمحي لي الغرام الي غناها محمد عبدو .. لعل وعسى تضبط الوزن .

[منصور اللغوي]

الشاعر : نايل الظفيري

.. قصيدة متميزة و هي تستحق التثبيت بجدارة .. الاسلوب فيها متميز و سلس :

كيف تهّجرني وانا اللي في غرامك صافي
كيـف تجّمعنـي وتنّثرنـي هنـا وهنيّـه


أحب أن أشير إلى أن وزن البحر بالتفعيلات هو :

فاعلاتن فاعلاتن فاعلاتن فعْـلن .. فاعلاتن فاعلاتن فاعلاتن فعْـلن

وهذا يتضح أكثر لأصحاب الشيلات عندما يشيلون التفعيلات وأنه ليس ( فاعلاتن فاعلاتن فاعلاتن فاعلاتن ) بمعنى أنه ليس نفس الوزن لقصيدة سلطان الهاجري .. وهذا الوزن من الأوزان الجميلة و الخفيفة .. وكتب عليه محمد بن فطيس ( كل ما ذعذع علي صلف الهوى حدريه .. )

.. الشاعر المتميز : نايل الظفيري .. تقبل مروري لاعجابي بهذا التميز

[خالد العجمــي]

بما أنك كتبت التفعيله يا منصور تكرم وتمها قطع البيت عروضيا علشان نشوف كلامك صح او لا ... وانا أتحداك اذا تقطيع قصيدة نائل عروضيا مثل ما قلت فاعلاتن فاعلاتن فاعلاتن فعلن
أتحداك بما تحويه الكلمه من معنى واذا أنت متمكن طلع لي البيت الي كتبته لسلطان الهاجري قطعه لي بشوف تعرف تقطع او سوالف وانت والشاهد الله بتدور لك عذر الحين علشان تصد من الحق ... اقل شي قطع بيت سلطان الهاجري وقل لي وش الفرق فيه كانك تعرف الفرق في الوزن...
وفك عمرك بس

[منصور اللغوي]

المشاركة الأصلية كتبت بواسطة خالد العجمــي

بما أنك كتبت التفعيله يا منصور تكرم وتمها قطع البيت عروضيا علشان نشوف كلامك صح او لا ... وانا أتحداك اذا تقطيع قصيدة نائل عروضيا مثل ما قلت فاعلاتن فاعلاتن فاعلاتن فعلن
أتحداك بما تحويه الكلمه من معنى واذا أنت متمكن طلع لي البيت الي كتبته لسلطان الهاجري قطعه لي بشوف تعرف تقطع او سوالف وانت والشاهد الله بتدور لك عذر الحين علشان تصد من الحق ... اقل شي قطع بيت سلطان الهاجري وقل لي وش الفرق فيه كانك تعرف الفرق في الوزن...
وفك عمرك بس

الأخ المحترم و الغالي : خالد العجمي ..

.. ليش ما تعتبر إنا ما نفهم شي .. وننتظر الشعراء يحكمون من خلال انهم يشيلون البيت .. ويشوفون هو على وزن :

فاعلاتن فاعلاتن فاعلاتن فاعلاتن .. فاعلاتن فاعلاتن فاعلاتن فاعلاتن

أو :

فاعلاتن فاعلاتن فاعلاتن فعْـلن .. فاعلاتن فاعلاتن فاعلاتن فعـْـلن


.. وأنا أصر على أن الوزن ماهو نفسه وزن قصيدة سلطان الهاجري .. بل هو وزن قصيدة بن فطيس اللي ذكرتها و نفس وزن قصيدة ( الخلطة السرية ) لتركي الميزاني . . ومثل ما قلت لك خلنا ننتظر الشعراء هم اللي يحكمون لا تعتبرني شاعر أو أي شي شكرا لك يالغالي

[خالد العجمــي]

ليه تتهرب ما قلت لك راح تتهرب مني
قطع القصيده وفك عمرك وانت الي قلت الوزن فاعلاتن فاعلاتن فاعلاتن فعلن اانا قلت غير كذا فيه فرق
قطع واخلص ... انت تقول انك شاعر كل قصيده تنزل تكتب عندها الشاعر منصور اللغوي يعني انت الي قلت شاعر فبما انك شاعر احكم واكتب وقطع .

[منصور اللغوي]

المشاركة الأصلية كتبت بواسطة خالد العجمــي

ليه تتهرب ما قلت لك راح تتهرب مني
قطع القصيده وفك عمرك وانت الي قلت الوزن فاعلاتن فاعلاتن فاعلاتن فعلن اانا قلت غير كذا فيه فرق
قطع واخلص ... انت تقول انك شاعر كل قصيده تنزل تكتب عندها الشاعر منصور اللغوي يعني انت الي قلت شاعر فبما انك شاعر احكم واكتب وقطع .

يالغالي : خالد العجمي

أنا مهما أقول و مهما يكون الحق عندي صدقني ماراح تقتنع .. لذلك ليش ما تنتظر الإجماع و كلام الشعراء عشان اللي معاه الحق ينعرف .. واتمنى يا خالد نكتفي عن الردود وننتظر الشعراء

[خالد العجمــي]

لا تتهرب اقنعني وانا اقنوع عطني دليلك وابشر بالي يقتنع فلماذا تنتظر لشعراء وانت تقول انك خبير علم العروض جاوبني بعلمك حتى لا تكون السالفه قال وقيل رد علمي موثق ..
فهمت ولا تطولها انت لانه ماراح تجاوب وقلتها من اول شي لك . تتهرب
نخلي النقاش في قصيدتك حتى تكون فايده ...