سؤالي عن الشخص الممدوح في القصيدة من هو ؟؟ من يقصد عبدالرحمن ابا الجيش

[دوسري وخوالي يام]

السلام عليكم
صباح / مساء ، الخير للجميع ...
يسعدني الانضمام لمنتداكم ، والله يجمعكم ولا يفرقكم ، ويعزكم ولا يعز عليكم .
أنا عندي استفسار موجها خصوصا للشاعر عبدالرحمن أبا الجيش وعام لمن يستطيع الإجابة عليه ، بسأل عن شخصين تطرق لهما الشاعر عبدالرحمن أبا الجيش في قصيدته الرائعة ( الأيام والساعة )
حيث قال من ضمن أبيات القصيدة :
الله يامر على التركي ومن باعه ** الديره اللي تفشلنا طرايقها
والدوسري صاير(ن) للطيب شماعه ** تجلى ظلام الدجى والليل تحرقها
أنا أشهد أنه يحوش الطيب بذراعه ** لو أن جبال الهدا طيب(ن) تسلقها

بداح بن ناصر اللي زايد(ن) باعه ** وأسبق رجال(ن) على الطولات يسبقها
بيت(ن) من الطين فالارياف وزراعه ** أخير من ناطحة سحب وحدايقها
وأخير من شلة(ن) للمال جماعه ** تجمع لها تجرة (ن) الأيتام مرزقها
اللي قبل عام كان يطق باصباعه ** أحزابه الخمس في راسه بنادقها
مافاد قارون لا ماله ولا اتباعه ** وأحلامه اللي قبل يحلم يحققها
سؤالي عن معنى البيت الأول : من المقصود بالتركي هل هو شخص بعينه اسمه التركي ، أم شي مصنوع ينسب لتركيا أم ماذا ؟ أزريت أفهم معنى البيت ؟ لا أحد يقول لي المعنى في بطن الشاعر لأن القصيدة معناها فيها بس أزريت أفهمه .
سؤالي الثاني : الشخص الممدوح : بداح بن ناصر الدوسري من هو بالتحديد من أي الدواسر ؟ وفي أي مدينة يسكن ؟
هل قصدك الشيخ : بداح بن ناصر الصخابرة الذي يسكن في العزيزية بالرياض ؟ أم شخص آخر .
أرجو الإجابة المؤكدة ممن يعرف .