( دمعة الأحداق ) .. !

[نايل الظفيري]

السلام عليكم ورحمة الله وبركاته



متواضعه لها شرف المرور

رسوم الفرح تقتل حزن دمعـة الأحـداق=لو الدمع من كثْر الشقـى غـارق ٍ موقـه
يضيع الشعور اللي كما نسمـة الإشـراق=سوات اليتيم اللـي فقـد مُجّمـل حقوقـه
عليـك الله أكبـر يازمـانٍ مهـو ينطـاق=ياكيف الرجـل ماعـاد يـدرك لمنطوقـه
تموت الجزيله والهزيلـه علـى الآفـاق=معا قولة اللي كل ( واحد علـى ذوقـه )
هل العيب فالأشخاص أو إن الوعي ما فاق=أم إن الجزاله أصبحـت شبـه محروقـه
قصايد بها قمّـه مـن الـذوق والأخـلاق=وقصايد عن الأخـلاق والـذوق مفهوقـه
وإذا الشعر له نُخبة جماهيـر يـا عشّـاق=ف أنا الشاعر اللي مـا تهنّـى بمعشوقـه
أكافح وأنا أعذب قصيـدي مـن الأعمـاق=أجمّل وصوف القـاف ويزيـن طاروقـه
على طاري اللي لا ذكرّته ولـه وأشـواق=يرطّـب جفـاف القلـب ويبلـل عروقـه
سقاني من الحرمان ليل وأسى وفراق =وسقيته غـلا صـادق بأحاسيـس موثوقـه
عقب غيبته عايش بضيق وغثـا وإرهـاق=كأن السعـاده طيـر قـد قطّـع سبوقـه