( الصادق .. الكـذاب ) !

[نايل الظفيري]

السلام عليكم ورحمة الله وبركاته

طفح كيل الطموح وضاعت آمالي وحلّمي غاب=ونزف دمّ القصيد اللي حضوره عذر لـ غيابي
على طرس الهجر تنّدب دواتي غيبة الأحباب = وانا اسّتجدي عيون الوصل تذّرف جيّة احبابي
تمر سنين وايام العمر ما بين ضرّس وناب = كأن اليآس لعيوني غدى اقّرب من اهدابي
تعلّمت أصنع البسّمه واكون الصادق الكذّاب = أخاف الناس لا تدري وش المكتوب بكتابي
عليك الله واكبر ياغرام ٍ يسّلب الألباب = حسبت حْساب حبّك يوم غيرك يحسب حْسابي
احبك ليه ما احبك وصدّك يحّرق الاعصاب = غرامك فجّ صدري لين ما ملّتني ثْيابي
فتحت لشوفتك في ما مضى مليون باب وباب=احسب انّك تجي والشوق ما جابك على بابي
تذّكرني ليا ضاق الزمن والا جفوك اصحاب = مثل ما قد تذكرتك وانا في صحّبة اصحابي
فمان الله يا حب ٍ كبر بين الضلوع وشاب = فمان الله لو كان الوصل أقّرب من اهدابي

[حكاياغيـــم]

وعليكم السلام ورحمة الله وبركاته

صح لسانك وصح كلك

رآاااائع وأبيات جميله

تحياتي..

[عآفت آلنوم عيني]

صح لسانك ، وصح فكررك

ولاهنت على الابيااات الرائعه ،

تحيياتي لك

[خالد بن رمثان]

عليك الله واكبـر ياغـرام ٍ يسّلـب الألبـاب
حسبت حْساب حبّك يوم غيرك يحسب حْسابي
احبك ليه ما احبك وصدّك يحّرق الاعصـاب
غرامك فجّ صدري ليـن مـا ملّتنـي ثْيابـي
فتحت لشوفتك في ما مضى مليون باب وباب
احسب انّك تجي والشوق ما جابك على بابـي




الله الله الله الله

كبير يا نايل

صح لسانك و فانتظار جديدك هنا ..

[مـشـهـور]

صح لسان شاعر ولا هنت

[منووورة]

مبداع يانايل
يعطيك العافية
مو شي اجديد عليك

[تـخـف الـعـقـول]

صح لسانك يا نايل ولاهنت

جازت لي بالحيل

[سعد سعود]

صح اللسانك يا نـايل

وبأنتظارجديدك , , , ,

[نايل الظفيري]

صحت ابدانكم اخواني


ولاهنتوا عللى المرور الجميل


لاخلا ولا عدم

[عبد الله العظيمان]

صح لسانك ولاهنت على القصيده