الحب شـارع فيـه حفريـة افـراق=من بعد تحويلـه وراهـا أشـاره..!!
عند الاشـاره بسمـة الحـب تنبـاق=راجع حسابك ثم صـل أستخـاره..!!
أما أرجع لدربك ليـا صـرت سـواق=والا لحفريـه بـدون أستشـاره..!!
والدرب لاجيته كبـاري مـع أنفـاق=هذي مشاكل فالهـوى والاثـاره..!!
قبل الكباري لوحة ٍ جات فـي شقـاق=مكتوب لك مخرج بأصدق عبـاره..!!
أطلع مع المخرج ترى الدرب بك ضاق=الدرب ضاق وخل عندك شطـاره..!!
وإليا استوى دربك بلا ضيق وأخنـاق=فاسرع وحاسب بين تاره وتـاره..!!
بتشوف دوريـه لهـا فـوق رمّـاق=هذا العذل قدمك يبـى الاستمـاره..!!
لا تقول لـه ياعـذل بألفيـن طقـاق=ذا الاستماره وسط درج الغمـاره..!!
بس أنتبه وأفطن لهـا بيـن الاوراق=عهد المحبه وسطها فيـه شـاره..!!
شوف العذل لا شافها خاطـره ضـاق=ويضيق لبسه ثـم يقطـع زراره..!!
خلك على دربك ليـا صـرت سـواق=وإحذر توقف عنـد أيـة أشـاره..!!
بس أنتبه فالخط ( حفريـة أفـراق )=بيطيح فيها غير من كـان طـاره..!!
مهندس فــ الاشغال 
16-04-2011, 08:15 AM
العرض الشجري