الفرحـــة اللي على وجــه الزمان البخيل .... مصافحــــة أولى في هذا الصرح الشامخ !!!

[عويضه الوقدان]

أسعد الله أوقاتـــــكم بكل خير

مصافحـــــة أولى أتمنى لها المـــرور الى قلوبكـــم



,
,
,

الفرحة اللي على وجـه الزمـان البخيـل=ماتـت علـى كفهـا أحلامـي وخليتهـا
الدمع في محجر عيونـي يفيـض ويسيـل=مافـادت الأمنـيـات الـلـي تمنيتـهـا
الفرقـا اللـي بـلا سبـه تحـط وتشيـل=ماحبـهـا ياعسـاهـا ينـهـدم بيتـهـا
وجروحي اللي تزايد كـل يـوم(ن) وليـل=لـو المشاعـر تحاكـم كـان قاضيتهـا
أنا زرعة المحبـه دون ماأجنـي حصيـل=ياليتني مـن دمـوع الشـوق ماأسقيتهـا
دام المحبـه بـلا سيسـان لازم تمـيـل=وجهة نظر مـن صميـم القلـب وأبديتهـا
نمسي ونصبح على حلم(ن) شعوره جميـل=لكـن عيونـي مـن الأحـلام صحيتـهـا
تدري وش أكبر خطا بيَن في وقت الرحيـل؟=رجلي فـي درب المحبـه معـك عنيتهـا
ياالمرهف اللي عليك أحساسي ظل(ن) ظليل=ليه الخيانه فـي كـأس الحـب صبيتهـا
شكرا على صدك وهجـرك ولانـي ذليـل=نفسي عزيـزة وعنـك النفـس عزيتهـا