[ آمـُـر عطشـآن وآلشّيمـه تعدّينــــي ]

[[ ونيـن ]]

،





‏​‏​ياونتي ونة شجاع له آطباع
مايذكر إلآ في وجيه المغيره

ينام عينه مستريحه ولو جاع
يمسي بجوعه بس يشبع قصيره

سيفه على جمع المعادين قطاع
من حشمته تحشم ل عينه عشيره

من عقب ماهو بالمواقيف بتاع
وربعه اليا ثقل الحمال تستشيره

شان الزمان وضاع راع الوفا ضاع
والوقت يخلف من عقب زين سيره

ينطح وجيه القوم صامل وفزاع
عاده على خبر الوجيه السفيره

وثقلت عليه وصارو ربوعه آقطاع
وهو بين ضرب السيف وألآ الذخيره

وحول له اللي ضربته بين الآضلاع
صبين عزاويه تجي مستديره

خلوه طايح بين هم وتلواع
عقله من اللي صار غازيه حيره

وجاو آكبر ربوعه يدوجون بالقاع
يبغون له قبر” بقاع” طهيره

ويسمع حداهم قال ياذرب الآسناع
ليت القبر يالربع يحفر ل غيره

وغمض عيونه عقب مادمعها فاع
يالله عسى في الأمر خير” وخيره

هاذي هي آحوالي وذي كل الآوضاع
ضايق وصدري فيه مثل السعيره

مشيت بالدنيا على كل الآنواع
وكونت لي قصه وحطيت سيره

وعرفت كيف الناس شاري وبياع
وأن الزمن ميت وميت ضميره



،