ألو ..
شلونك .. ؟
قلت لي وشلونك / وطاح الحطب ؟؟
طاح وانا كنت ماظنه يطيح
الزعل / والياس / وحروف الغضب
والرضا / والحق / والقول الصريح
من لفيت بصوتك وكل ٍ هرب
أصبحو حفنة تراب وصرت ريح !!
ليه لا .. ؟ وانت البعد عنك تعب
الدوا في جيتك .. وانا جريح
لاني اشوفك مثل معدن ذهب
ولاني اشوفك من عيون لشحيح
ولان شوقي مانها عنّك ونضب
صك غيمه غيمه .. ومزنه يسيح
واثمر العود وتساقط لك رطب
وفاح من ماضيك نوار ٍ وشيح
كنّك جود .. وكن احاسيسي عرب
مالفا وجه الفليح الا فليح
اشهد ان ربي عطانيـك و وهب
ايييه في رب أحمد ورب المسيح
غبت صبح الامس والحقتك عتب ؟
ماهي بشكه ولا ظن ٍ قبيح
أكبر احلامي علي عود القصب
كل ماهب الزعل قلت بيطيح !!
طاح عمري في يدينك وستتب
كيف تبغاني ليا غبت استريح
،،
سعد بن هندي
،،
05-06-2011, 02:46 PM
العرض الشجري