ČẳŁěňąя ĻŭςҜ - الصفحة 20

here Lucky boy · #**191** 06-08-2011, 12:44 PM

تخريف صائم

ليه اصحاب النكات الحمر مايرحبون بالاعضاء في قسم الضيووف (يشوفون أنهم كبرو على هالموضوع )

ليه الواحد اول مايحطوونه مشرف يصير نحله ماشاءلله في كل مكان يشارك ومن يصير أحمر تلقاه في المواضيع المهمه بس

ليه أخر مشرفه حاطينها في المنتدى قبل 3 سنين تقريبا معقوله الجيل الجديد مافيهم ظفره

ليه تثبيت الركن اللي مختص فيه بس شقاوي ليه مايكون تصويت من مشرفين الاركان
.
.
.

ليه اخر اربع مشاركات لفزاع بتاريخ 3 سبعه 7 سبعه 17 سبعه 31 سبعه (كلها ارقام فرديه )

ليه محمد بن عكشان اخلعنتني اخر مشاركاته 23 خمسه 11 خمسه 6 خمسه ( تحيا جمهوريه بن حجرف )

ليه عبدالله مشاركاته من شهر لشهر 27 سبعه 30 سته 4 سته

ليه الوفاء اخر ايام مشاركاتها 18 سبعه 12 سبعه 17سته 30 خمسه

ليه عبق اجدادي اخر اربع مشاركات 31 سبعه 24 سبعه 14 سبعه 9 سبعه

ليه قرافتي اخر مشاركاتها 18 سبعه 23 سته 10 سته 22 خمسه

اهل النكات المووف مادققت عليها لاني احب اللون الموف

المهم من يتعرض المشاركه بالحذف او التعديل راح نشتكيه عند دوله فيصل بن حجرف

الدور الجاي على الاركان واعضائها

here Lucky boy · #**192** 07-08-2011, 06:20 PM

الساعه اللي قبل الاذان دائم تكوون أطول ساعه بالصيام

here Lucky boy · #**193** 08-08-2011, 02:58 AM

اللي مرسلها لي يدري اني ما ارقد بس عاجبته الابيات الظاهر

.
.
.

وناسه الواحد لما يكون رايق

والاونس لما يكوون مايدري وش السبب

here Lucky boy · #**194** 08-08-2011, 05:23 AM

اليوم ماسكه معي ضحك

اعتبرو اللي بسويه كاميرا خفيه وتحملووه

عمره ما اعجبني اكل مثل سمبوسه الغزال

بس هم حاطينها في سطل غسيل ملابس

خاطري داروه بالعافيه ان شاءلله

بس الموز وش خانته .. ..

قوت القلوب
امي تسلم عليكم وتقول سفرت دلالكم من وين ماخذينها

عزوز

دام هذا سحور يعني التمر ماهوب سنه فيها

التمر بتأكله قبل المكرونيا ولا عقبهاا

here Lucky boy · #**195** 09-08-2011, 01:34 AM

هي : السلام عليكم

انت : عليكم السلام

هي : فاضي

انت : اي شعندك

هي : بحكم انك خبره ابيك تفيدني تكفه

انت : شسالفه ..!؟

هي : فيه واحد اعرفه صارلي 11 سنه

انت : ماشاءلله لو معرسين ولدكم في المتوسطه

هي : لاتطنز اكلمك جد

انت : كملي كملي

هي : دخلت بروفايله مال المسن وحصلت عنده الاصدقاء فيها وحده

انت : وش الغريب كلنا كذا

هي : ابي انتقم منه اقهرهه تكفه علمني شلوون حدي محتره منه

انت : لعب بزران هو شلون تنتقمين تفخخين سيارته يعني

هي : لاتحرني انت الثاني والله متضايقه ابيك تعلمني

انت : 11 سنه معاه وتستشيرين اللحين

هي : انا فكرت ادخل بروفايلها واضيفها بس مدري احط نفسي ولد ولا بنت واجرجرها بالكلام

انت : ليه هبله هي ماتعرفش تعلمش بعلومهاا

هي : طيب تكفه بعطيك بروفايلها وابيك تضبطها وتجرجها بالكلام ابي اعرف قصتها مع عبدالله

انت : انشدي عبدالله بلى هاللويه كلها

هي : انا دزيت له بالبيبي وسالته : ماسنجرك متى اخر مره دخلته وقالي من زمان مو داشه قلت طيب دشه قال الباس مسجله في دفتر ومالي خلق ادوره

انت : مشكله عوالنا مايعرفون يكذبون ومشكله بناتنا اي شي يصدقوونه

هي : يسالني يقول ليش تسألين ..!؟ امانه شنو اقووله

انت : قوليله شفت بروفايل بنت وانا اغار عليك ترى الغيره حق مشروع للمحبين

هي : يخسي اقوله لين اعرف قصه هالبنت

انت : قولي له شفت ماسنجرك شابك قبل شوي وخابره انك مو على الجهاز قلت يمكن ايميلك انسرق

هي : قلت له ويقول بشبك عقب شوي اشووف ... طيب اذا دخل ومالقاه مسروق شنو اقووله امانه

انت : قولي شكلي دايخه من الصووم أجل

هي : انا لازم اعرف قصه البنت شنو

انت : تستهبلين انتي .؟ اكيد خويته لازم تقبلين الواقع

هي : المشكله ان حنى نحب بعض من 11 سنه

انت : قصدك مقزرينها على بعض 11 سنه

هي : اذا ماخليه يعرف منو ساره

انت : 11 سنه ماعرفش هذا معتوووه

here Lucky boy · #**196** 10-08-2011, 01:44 AM

لاتغار من الفتيات بقدر غيرتها من سيجارتي

بينما أغار عليها حتى من محتوى دولابها

صمتها يجعل من الطاوله امامها تترَقب حديثها

وحديثها يجعل الهواء يتوقف من حولها

استمري معي كسيجارتي ..!؟

ازيدكم احتراقا بشفاتي وتزيدونني احتراقا بقلبي

here Lucky boy · #**197** 10-08-2011, 05:23 AM

صباح اللي زهقان من ملاغه فنون

here Lucky boy · #**198** 10-08-2011, 06:38 AM

عالم الحب لايتسَع للخجل

here Lucky boy · #**199** 10-08-2011, 07:20 AM

انت وحدك تلهمني

here Lucky boy · #**200** 10-08-2011, 07:45 AM

الحب كالتنويم المغناطيسي

يسير بصاحبه للمجهول .. من غير أن يسأل اين هو ذاهب

يجعل من الشخص يقدم كل شي من غير انتظار مقابل

تشعر ببحار في جووفك عند غضب المحب

وجبال على متنك عند طلباته المستحيله

وصحراء في عقلك عند شعورك بفقدانه