همــهـــمــات سعد . . !

[سعد الصميل]

على طاري المؤامره . . خلونا فيها دام حنا فيها . .

شركة امريكيه تصنع حذاء ( الله يعزكم ) . . ويكون فيه اربع خطوط عموديه ودائره . . على طول ننشر مواضيع بالنت . . ونقول شوفو الكلاب يكتبون اسم الله على الجواتي !!


شركة امريكيه . . تحد اكياس زبالة لونها اسود وفيها نقش . . نقول شوفو النقش المقصود فيه محمد . . الله يلعنهم . . وننشر برضو بالنت !!


شركة اوروبيه . . تصنع لنا سجادات للصلاة ويطلع واحد يصيد فيها علامة الزائد . . ويقول شوفو حسبي الله عليهم . . يبونا نسجد على صليب . . والمنتديات ماتصدق خبر . .

انا نفسي مره كتبت موضوع قديم في نفس المنتدى هذا . . وكنت اتكلم فيه عن مآثر جابر الأحمد الله يرحمه . . وكنت حاط علامة الزائد كبيره . . طلع لي كم واحد يمدح الموضوع . . ويبدي استياءه من الزائد ويقول انت دخلت فيها صليب . . !!

الى متى وعقولنا صغيره الى هالدرجه ؟

ونشوف اي عمل ونحس انه موجه ضدنا وضد ديننا !!

ياخي فكر بعقل . . شركه ناويه تربح وش فايدتها لو حطت اللي في بالك ؟

ياخي ذولا شركاتهم مايهمها الا الربح . . ماتبي تخسر زباين . . وصدقني لو الامر تطلب منهم يكتبون الانجيل حقهم على قاعة الحذاء . . ماعندهم مشاكل اذا كان الناس بتشتريه !! لأنهم يبون الربح فقط لا غير . . مايبون يوجهون رسائل دينيه عن طريق نقش حذاء !!


افهم انت وياه لا ارضخكم !!


ليت عقولنا اللي اكتشفت أدق الكلمات والنقشات وفادتنا فيها . . تكتشف أدق التفاصيل في العلوم والتكنلوجيا . . كان حنا بخير . .