. . . . . . . . . . . . . . . . تذكرّته .. وياليتني .. ماتذكرّته !

[[ عسّاف خيل ]]

,





لاقفيت عنك لا تلحقني ملام
..................... الوقت بيعلمك .. ليه قفايتي


ماعاد فيها حلال ولا حرام
..................... وبدايتي وياك , مثل نهايتي


أصد عنها والبلا غايه مرام
..................... مطروحةٍ .. بكتابتي وقرايتي


ومشاعرٍ ماتت بدون اي إهتمام
..................... ياليتني .. خليتها .. برعايتي


ناظر عيوني , ماتهنى فِ المنام ؟
..................... سهران وآلي .. والهموم ولآيتي


تقول كيف الحال .. وأقولك تمام
..................... وانا لـ كف الحزن ( أسلّم رآيتي ) !


الله يغفر لي ذنوبي والاثام
..................... وانه ينور لي طريق هدايتي


تبي تعرف الحين زبده هالكلام ؟
..................... هذي تراها .. حكايتك , وحكايتي


لكن ابي أوصيك في مسك الختام ؟
..................... وانته .. لزوم انك تحفظ وصايتي


إحرق على بعدي ( مراسيل الغرام )
..................... وإنسى ليالٍ .. كنت : فيها غايتي !