هو بالزمن عوق ! ولا العوق يهواني ؟

فهد ألعجمي · #1 13-09-2011, 07:45 PM

بسم الله الرحمن الرحيم

مساكم وصباحكم / ورد

هو بالزمن عوق ! ولا العوق يهواني = راحت حياتي على منيه ويا ليته
خذ يا نكد ما تبي وان كان تبغاني ؟ = ترا ( الصبر ) غايتي قد جاني وجيته
وترا صحيبك قوي عزوم سرحاني = ما يخضع الا لربه .. حامين بيته
واليا نويت الشعر .. ماني بـ عجزاني = اسبح في بحر الشعر واللحن غنيته
بنات فكري تمزهلي وتخناني = تبغى ( الجزل ) من صفا راسي وبديته
لبيه .. يالي غلاها فالحشا باني = الي حلاها دعاني : ثم لبيته
عنقا .. ومزيونتن .. تفتنك بلعاني = فيها دلع .. والسحا تسمع تناهيته
صاحبك من عينك اصبح فيك ولهاني = ادمنت في شوفتك والصوت حبيته
حالف عليك ان ( قلبي ) ما يجي ثاني = قلبي صفا يا حبيبي وانت صافيته
كنك تبيني وقلبك ما تمناني ! = مدري يبيني ولكن تباطيته
البارحه خابرك عندي تفَداني = واليوم مال ( الهوا ) كنك تناسيته
يا صاح .. قلبي يناضرني ويبلاني = ويقول : وين الشريك الي رفع صيته ؟
ترا الحزن في خفوقي ما تعداني = وتراك تقدر عليه .. اليا تحديته
تدري غلاتك بدمي بين شرياني = وتدري الغلا دايمن في ( حبك ) ابديته
وصلك وشوفك .. وصوتك ليه ما جاني = كم مرتن قلبي المشتاق .. مديته
عقب البطا وش تبي ! يا وين تلقاني ؟ = الحق على عاشقك دام ( الوفا ) بيته

وسلامتكم

أخيكم : فهـد بـن سريــح