صباحك/ مسائك
قصيد
مما راق لي
يامعذب الاحباب ياغايب متى وقت الوصول
انا على نار انتظر رجعتك لو طال الغياب
ياهمي الـي لـو يـزول العمـر كلـه ما يـزول
ياقرب من الي في يدي وابعد علي من السحـاب
يا صيف عمري يا ربيع العمـر يا أغلـى الفصـول
يا فرحتـي يا سلـوة الايـام يا انـواع الـعـذاب
يا بحر جده يا شفا الطايف يا حايـل ويـش اقـول
يا تراث مكه يا حضـارت نجـد يا ابهـا والضبـاب
يا نغمة الاوتـار ياعـزف الموسيقـى والطبـول
يا ضحكـة الاحبـاب ما بيـن التغلـي والعتـاب
ياعنفـوان الخيـل يا وقفـات ماضيـن الفعـول
يا نشـوة الكسبـان ياعـزة عزيزيـن الجنـاب
يا ضحكة الاطفال يا نظرات في الطـرف الخجـول
يا هيبة السلطان يا قـدر اللحـى حـق الرقـاب
ياحكمة العاقـل يا عطـف الام يا معنـى القبـول
يالذة الماء في ظماء الظميان ياعذب الشـراب
يا معجـم الاخـلاق يا فهـرس تعاليـم الاصـول
ياروعـة الابـداع يا بـنـك المـبـادي والاداب
فديت عمرك يا بعد عمري جعـل عمـرك يطـول
احسب احساب الي حسب لاحساب حسبتنا حساب
بجاه رب ام القرى والقـدس وبجـاه الرسـول
انا مصاب اوجبـك يلزمـك بسعـاف المصـاب
صبرت حول وحال حول الحول واستقبلـت حـول
وانا انتظرك تذوب في قلبـي وقلبـي فيـك ذاب
وجيتك وانا كلي غلا جيتـك وانـا كلـي ميـول
النفس لارظاك احظرت والقلب لارظاك استجـاب
وعجزت يا اصعب طلوع اسالـك يا اصعـب نـزول
تصمت ولاحكي لك سوال اصمت ولا تحكي جواب
عزلتني عن عالم(ن) ما كنت انـا عنـه معـزول
اطرد وراك العمر كلـه كنـي اطرد لـي سـراب
سمعت قولي وانت قلي ودي اسمع ويش تقـول
انا طرحت الـك السـوال ومنتظـر رد الجـواب
اتمنى ان تحوز على رضاكم
23-11-2011, 04:23 AM
يا معذب الاحباب ياغايب متى وقت الوصول
العرض الشجري