هـــمـــس الـــقـــوآآآفـــي...؟؟

[ســالــم]

الردي ملح المعاشر يزعجه
في يدينه سمّ ورجوله حفا

لو عل متنك بغيت تحججه
يمكن يبيعك على باب الصفا

[ســالــم]

يالهجوس اللي نويتي تشدين الرحال
وين قولي وين والشعر في صدري مقيم


والله اني كل ماضقت ذبيت الطوال
ماتسمع في عبادي ولا عبدالكريم

[ســالــم]

تغريني الطنخة بروس المطانيخ
وأنا وريث أمجاد ومورِّث أمجاد/

لا سيِّدي تاجر ولا سيِّدي شيخ
الحر ما يرضى على نفسه أسياد/

[ســالــم]

يامفتي القاهره ياليت تفتيني/
انا رميت الجمره الكبرى بجلمود كبير


بغيت اعد الحصى لكن مايمديني/
الوقت ضيّق والمهاه محمله حمل البعير

[ســالــم]

من لقلبٍ ليا مرّ المنازل يضيق
وا يتذكّر وليفٍ قد تركها وراه

شدّ عنها مع امّه ،، هو واخوه الشقيق
صوب خاله ،، بعد ما جات ابوه الوفاه

[ســالــم]

يا إلهي كم من الخلق مهموم ٍووحيد/
وأنت عون اللي ماعنده على الدنيا خوي

لاتخلّي طيب الذات يحتاج البليد/
والضعيّف لاتولّي على رزقه قوي

[ســالــم]

لا والله الأ صـادقـات الصـداقـه
يفديني بعمره وانا افديه باالحيـل

من عقب ماشفت الغـزال الدقاقـه
اللي هدبها يرسل المـوت والويـل

[ســالــم]

من منطلق خبرتي فالحب وفنونه
البنت مالي بها لاجات منتحيه


مبدا ولا كل خلق الله يمشونه
لكن يازين الحيا في وجه مستحيه..

[ســالــم]

ياساجو انهض احجاجك وارفع الهامه
واعرض عن الناس قاصيها ودانيها



من يفعل الطيب يلقى الطيب قدامه
والناس بفعالها من قبل اساميها

[ســالــم]

اللي يدقق في صغار اخطائي
ماني بحاجة مدحه ولا دعمه

بعض الوجيه احبها تلقائي
وبعض الوجيه الله يديم النعمه